| e-texts navigator |
| Wylie |
286b1 ལྔས་ཁྱབ་པའི་ཕྱིར།། སྐྱེ་དང་འཆི་བའི་མཚན་མ་མེད།། མེད་པ་མ་ཡིན་ཁྱབ་པའི་སྐུ།། འདུ་འབྲལ་མེད་པ་རང་ལ་འཆར།། མི་ཕྱེད་མཉམ་པའི་སྤྱོད་པ་ལ།། རང་སྣང་ཐབས་ཀྱི་སྤྱོད་པར་རོལ།། འདུས་མ་བྱས་པའི
286b2 ཀློསློང་དཀྱིལ་ནས།། བཅོས་པ་མེད་པའི་ཡེ་ཤེས་ཤར།། འཛིན་རྟོག་མེད་པའི་ཆོས་ཉིད་ལ།། བཙལ་བ་མེད་པའི་རིག་པ་གནས།། རྫོགས་པ་ཆེན་པོའི་གྲུབ་མཐའ་ལ།། གཅིག་རྫོགས་གཉིས་རྫོགས་ཐམས་ཅད
286b3 རྫོགས།། ཡོད་མཐའ་རྫོགས་ལ་མེད་མཐའ་རྫོགས།། རྟག་མཐའ་རྫོགས་ལ་ཆད་མཐའ་རྫོགས།། ཡིན་པ་རྫོགས་ལ་མིན་པ་རྫོགས།། དེ་ཕྱིར་རྫོགས་པ་ཞེས་བྱའོ།། རྫོགས་ཆེན་ཆོས་ཉིད་ཡངས་པ་ལ།། གོང་ན
286b4 གཞན་མེད་གཅིག་པུ་ཉིད།། དེ་ལ་ཚིག་གིས་མཚོན་དུ་མེད།། རང་བྱུང་དཀྱིལ་འཁོར་ཆེན་པོ་ཉིད།། འགྱུར་མེད་དཀྱིལ་འཁོར་དམ་པར་གསུངས།། འགག་མེད་རོལ་པ་ཆེན་པོ་ཡིན།། དེ་ཡི་གོང་ན་གཞན་མེད
286b5 པས།། ཡང་དག་གསང་བའི་དཀྱིལ་འཁོར་ཡིན།། འཛིན་པས་བཟུང་ནས་ཡེ་ཤེས་བཅིངས།། འཛིན་པ་བཏང་ན་རང་བྱུང་རྙེད།། དེ་ཕྱིར་དག་སྣང་ཡེ་ཤེས་ཡིན།། མཚན་མ་མེད་པའི་ཆོས་ཉིད་ལ།། ཆགས་པའི་སྤྱོད
286b6 པ་ག་ལ་ཡོད།། ཤེས་རབ་དོན་ལ་ཡི་གེ་མེད།། ཤེས་རབ་ཉིད་ཀྱིས་དེ་ཉིད་ཐོབ།། ཞི་བའི་ཆོས་ཉིད་སྣང་མཐའ་ཡས།། ཡང་དག་ཤེས་རབ་དོན་ལ་སྤྱོད།། སྣ་ཚོགས་ཤེས་རབ་ཅིར་ཡང་འཆར།། རྟོག་མེད་ཤེས་རབ
iiif viewer powered by OpenSeadragon
