| e-texts navigator |
| Wylie |
286a1 སྐུར་མཐོང་ན།། ཆོས་རྣམས་ཐམས་ཅད་བདག་ལ་གསལ།། ཡངས་སོ་ཆེའོ་ཡེ་ཤེས་མཆོག། གསལ་ལ་དག་པ་འོད་ལྔ་ཤར།། འོད་ལྔ་གཉིས་སུ་མེད་པར་མཐོང་།། སངས་རྒྱས་སེམས་ཅན་སོ་སོའི
286a2 མཚན།། ཡེ་ཤེས་ཆེན་པོས་ཀུན་ལ་ཁྱབ།། ཕྱོགས་བཅུའི་སངས་རྒྱས་ཐམས་ཅད་པས།། རིག་པའི་དོན་ཉིད་གཉན་པ་ཡིན།། ཐེག་པའི་བྱེ་བྲག་བསམ་ཡས་ཀྱང་།། ཡེ་ཤེས་རྟོགས་ན་གཅིག་ལས་མེད།། འོད་ལྔ
286a3 མཐོང་ན་སངས་རྒྱས་རྙེད།། རྙེད་པ་ཉིད་ན་རྙེད་རྒྱུ་མེད།། དག་པ་ཡེ་ཤེས་ཕྱོགས་དང་བྲལ།། སྟོང་པའི་རིག་པ་ཡུལ་དང་བྲལ།། སངས་རྒྱས་ཐམས་ཅད་དགོངས་པ་ཡང་།། ང་ཡི་རིག་པ་ཉིད་ལས་བྱུང་།། ང་ཡི་སྐུ་ཉིད
286a4 མི་འགྱུར་བའོ།། ང་ཡི་གསུང་ནི་མ་བཅོས་པའོ།། ང་ཡི་ཐུགས་ནི་མ་གཡོས་པའོ།། ང་ཡི་མཛད་པ་ཁྱད་པར་ཅན།། ང་ཡི་རོལ་པ་མཐའ་ལས་འདས།། ང་ཡི་བྱིན་རླབས་འདུས་མ་བྱས།། ང་ཡི་མཐུ་སྟོབས་འཇིག་རྟེན
286a5 བཅོམ།། ང་ལ་ང་ཞེས་བྱ་བ་མེད།། ང་ལ་བདག་མེད་ཕྱོགས་མེད་པས།། འཛིན་པའི་རྟོག་པ་ག་ལ་ཡོད།། ཞེན་པའི་རྟོག་པས་རང་རྒྱུད་བཅིངས།། དེ་ལས་གྲོལ་བར་བྱ་བའི་ཕྱིར།། སྟོང་པ་ཉིད་ལས་འོད་ལྔར
286a6 གསལ།། ཆགས་མེད་འོད་ལ་འཛིན་པ་མེད།། དེ་ཉིད་རྟོགས་པའི་རིག་པ་ཡང་།། ཕྱོགས་ལ་ཤོར་ན་ལྷུང་བར་འགྱུར།། འདུ་འབྲལ་མེད་པའི་དབྱིངས་ཉིད་ལ།། བཟང་ངན་སྤང་ལེན་རྟོག་པ་མེད།། དབྱེར་མེད་འོད
iiif viewer powered by OpenSeadragon
