| e-texts navigator |
| Wylie |
285b1 འབྲས་བུ་མ་བཅོས་པ།། རིག་པའི་སྐུ་ནི་གསུམ་དུ་གསུངས།། རིག་པའི་གསུང་ནི་བརྟག་པ་ཡིན།། རིག་པའི་ཐུགས་ནི་གོ་བ་སྟེ།། རིག་པའི་ཡོན་ཏན་ཟད་པ་མེད།། རིག་པའི་ལས་ནི་སྣ་ཚོགས་གྲུབ།། དེ་ཡང་མཚན
285b2 ཉིད་འགྱུར་མེད་ཡིན།། ཐ་དད་མ་ཡིན་གཅིག་པུ་ཉིད།། སངས་རྒྱས་པས་ཀྱང་ང་སྔར་བྱུང་།། གཟུང་འཛིན་བསླད་པའི་ཆོས་མེད་པའོ།། འགག་མེད་ཉམས་ལ་ཤར་གྱུར་ན།། རྟོགས་པ་རྒྱུད་ལ་སྐྱེས་པ་ཡིན།། སྟོང
285b3 གསུམ་ཡེ་འབྱམས་ཡེ་ཤེས་ནི།། བརྡལ་བ་ཆེན་པོ་ཕྱོགས་མེད་ན།། ཡེ་ཤེས་མཐོང་བའི་དམ་པ་སྟེ།། བཟང་ངན་མེད་པའི་དོན་ཤེས་ན།། ཆོས་ཉིད་ཡེ་ནས་མ་བཅོས་པའོ།། འོད་ལྔ་འགག་མེད་ཤར་བ་དེ།། རང་བྱུང
285b4 ཡེ་ཤེས་དེ་ལ་ཤར།། ལྷུན་གྲུབ་ཡེ་ཤེས་ཕྱོགས་རིས་མེད།། མི་གནས་ཡེ་ཤེས་ཕྱི་ནང་མེད།། སྟོང་པའི་ཡེ་ཤེས་དངོས་པོ་མེད།། མེ་ལོང་ཡེ་ཤེས་རྟོག་པ་མེད།། མཉམ་ཉིད་ཡེ་ཤེས་ཆེ་ཆུང་མེད།། སོར་རྟོགས་ཡེ་ཤེས
285b5 མ་འདྲེས་གསལ།། བྱ་གྲུབ་ཡེ་ཤེས་མཐར་ཕྱིན་ནོ།། རང་བྱུང་ཡེ་ཤེས་བཙལ་བ་མེད།། ཅི་སྟེ་བཙལ་བས་འགྲུབ་གྱུར་ན།། རང་བྱུང་ཡེ་ཤེས་ཡོངས་མི་བདེན།། རིག་པའི་ཡེ་ཤེས་བསྒོམ་པ་མེད།། ཅི་སྟེ་བསྒོམ་པ
285b6 ཡོད་གྱུར་ན།། རིག་པའི་ཡེ་ཤེས་ཡོངས་མི་བདེན།། རིག་པའི་ཡེ་ཤེས་རང་ཤར་ནས།། བཙལ་བ་མེད་པར་ལྷན་གྱིས་གྲུབ།། རང་བྱུང་ཡེ་ཤེས་དོན་མཐོང་ན།། བསྒྲུབ་པ་མེད་པར་ཡོངས་སུ་གྲུབ།། རིག་པ་འོད་ཀྱི
iiif viewer powered by OpenSeadragon
