| e-texts navigator |
| Wylie |
284b1 བཞག་འདུས་མ་བྱས།། ཤེས་རབ་ཆེན་པོས་གྲུབ་པའི་རྟགས།། མ་ཆགས་ཐབས་ཀྱིས་ཀུན་སྤྱོད་ན།། ཤེས་རབ་ཆེན་པོས་འགྲུབ་པ་ཡིན།། སངས་རྒྱས་ཀུན་གྱི་དགོངས་པ་ནི།། ཤེས་རབ་ཆེན་པོས་ཤེས་པར
284b2 བྱའོ།། ཤེས་རབ་ཆེན་པོས་སྐད་ཅིག་ལ།། ཆོས་ཀུན་ཁོང་དུ་ཆུད་པར་བྱེད།། ཤེས་རབ་དོན་ཉིད་ཀུན་ལ་ཡོད། དེ་ཕྱིར་ཤེས་རབ་ཆེན་པོ་གསུངས།། དེ་ཡང་ཆོས་རྣམས་འདི་ལྟ་སྟེ།། སྐྱེ་བ་མེད་པས་འགག་པ
284b3 མེད།། འཛིན་པ་མེད་པས་རང་སར་གྲོལ།། དམིགས་པ་མེད་པས་སྤྲོས་པ་མེད།། བྱས་པས་མ་བྱུང་ཀུན་ལ་ཡོད།། འདུས་མ་བྱས་པ་རྣམ་དག་དབྱིངས།། འཛིན་པའི་ཐ་དད་ཆོས་དང་བྲལ།། རང་བཞིན་མེད་པས
284b4 བརྗོད་དང་བྲལ།། ཡང་དག་ཆོས་ཉིད་རིག་པའི་ཀློང་།། ཀུན་ལ་ཁྱབ་པས་ཡབ་ཀྱི་ངང་།། ཐམས་ཅད་བསྐྱེད་པས་ཡུམ་གྱིས་དབྱིངས།། བསྟན་དུ་མེད་པས་འོད་ཀྱི་ཡུལ།། བརྗོད་དུ་མེད་པའི་ཤེས་རབ་ལ།། བསྟན་དུ
284b5 མེད་པའི་ལུང་ཆེན་སྣང་།། གཏང་བཞག་བྲལ་པའི་ཆོས་སྐུ་ལ།། དམིགས་པ་མེད་པའི་ཏིང་འཛིན་གསལ།། སངས་རྒྱས་ཀུན་གྱི་ལམ་དུ་བཤད།། ཀུན་གཞི་ཡུམ་གྱི་ཤེས་རབ་ལས།། རང་བྱུང་ཐབས་ཀྱི་ཡེ་ཤེས
284b6 ར།། ཤར་བ་ཉིད་ན་ནུབ་པ་མེད།། སྒྲོ་བསྔ་མེད་པའི་འོད་སྣང་ངོ་།། འདུས་མ་བྱས་པའི་ཀློང་དཀྱིལ་ནས།། རིག་པའི་རྒྱལ་པོ་ཡེ་ཤེས་འགྲོ། སྐེ་འགག་མེད་པའི་ཀློང་དཀྱིལ་ནས།། ཤེས་རབ་མིག་གིས་གསལ་བ
iiif viewer powered by OpenSeadragon
