| e-texts navigator |
| Wylie |
284a1 ཕྱིར།། ཡང་ན་སངས་རྒྱས་རེས་འཇོག་ཅན་དུ་འགྱུར།། ཅི་ཕྱིར་སྣ་ཚོགས་འཆར་བའི་ཕྱིར།། རེས་འགའ་སངས་རྒྱས་ཡིན་པར་འགྱུར།། རེས་འགའ་སེམས་ཅན་ཡིན་པར་འགྱུར།། ཅི་ཕྱིར་རེས་འཇོག
284a2 ཡོད་པའི་ཕྱིར།། དེ་ནས་དྲི་བ་བཟློག་སྟེ་སྨྲས།། འོ་ན་ཀུན་གཞི་མེད་དམ་ཅི།། དེ་ནས་དྲིས་པའི་ལན་བཏབ་པ།། ཀུན་གཞི་རྣམ་རྟོག་འཛིན་པ་ལ།། སྣ་ཚོགས་པ་ཡི་ཤེས་པས་བསླད།། ཀུན་གཞི་མ་རིག་དངོས་པོ
284a3 ཡིན།། ཀུན་གཞི་ཞེས་ཀྱང་དེ་ལ་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས།། ཕྱིར་རྒོལ་བ་ཐམས་ཅད་སུན་འབྱིན་པའི་ལེའུ་སྟེ་དྲུག་ཅུ་རེ་དགུ་པའོ།། །། དེ་ནས་ཡང་གསང་བའི་བདག་པོས་འདི་སྐད
284a4 ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐམས་ཅད་མཁྱེན།། བདག་ཅག་མོས་པའི་འཁོར་རྣམས་ལ།། གསང་སྔགས་ཚིག་དོན་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག
284a5 པོ་ཉོན་ཅིག། སེམས་ཅན་སྡུག་བསྔལ་ཆེན་པོ་ལས།། ཐར་པའི་ཐབས་བསྟན་ལེགས་པར་ཉོན།། ཡང་དག་དཀྱིལ་འཁོར་བསམ་མི་ཁྱབ།། དེ་རྣམས་དོན་ཆེན་འདིར་བསྟན་གྱིས།། ཤེས་རབ་རང་བྱུང་དོན
284a6 གྱིས་ཉོན།། ཡང་ནས་ཡང་དུ་དོན་བསྟན་པས།། ཡང་དག་བློ་ཡི་གཏིང་དུ་གོ། ཤེས་རབ་ཆེན་པོས་རྟོགས་པའི་རྟགས།། མཁའ་ལྟར་མཉམ་པ་ཉིད་ལ་གནས།། ཤེས་རབ་ཆེན་པོས་ཁྱབ་པའི་རྟགས།། མི་གཡོ་མཉམ
iiif viewer powered by OpenSeadragon
