| e-texts navigator |
| Wylie |
283b1 མེད་པའི་ཕྱིར།། འོ་ན་འགྱུར་ལྡོག་མེད་པར་འགྱུར།། ཅི་ཕྱིར་སེམས་ཅན་སངས་མི་རྒྱ་བར་རིགས།། དཔེར་ན་སོལ་བ་ནག་པོ་ལ།། ཕྱི་བདར་བྱས་ཀྱང་དཀར་པོ་མེད།། དེ་བཞིན་སེམས་ཅན་འཁྲུལ་པ
283b2 ཡང་།། བསྒོམ་བསྒྲུབ་བྱས་ཀྱང་སངས་མི་རྒྱས།། དེ་ནས་དྲིས་ལན་འདི་ལྟར་གདབ།། དེ་ལ་བསྟན་དུ་ཡོད་པའི་ཕྱིར།། བསྟན་ནས་འབྲས་བུ་ཐོབ་པར་འགྱུར།། མ་བསྟན་གྲོལ་བར་ག་ལ་འགྱུར།། གཞི་ཡི་ཆོས་ལ
283b3 མཚན་མ་མེད།། ལམ་གྱི་ཆོས་ལ་འཛིན་ཡོད་མིན།། འབྲས་བུའི་ཆོས་ཉིད་ཐོབ་པ་མིན།། སེམས་ཅན་གཞི་དང་སངས་རྒྱས་གཞི།། ཁྱད་པར་གཅིག་གིས་ཕྱེ་བར་ངེས།། ཁྱད་པར་གཅིག་པོ་གང་གི་ཕྱིར།། ཅི་ཕྱིར་ཁྱད
283b4 པར་གཅིག་ཅེས་བྱ།། སངས་རྒྱས་གཞི་ལ་ཡེ་ཤེས་ཡོད།། སེམས་ཅན་གཞི་ལ་ཡེ་ཤེས་མེད།། ཡེ་དང་ཤེས་པ་གཉིས་འཇོམས་ན།། སངས་རྒྱས་དགོངས་པ་དམ་པ་ཡིན།། དེ་ཕྱིར་གཞན་ལ་ཁྱད་ཅི་ཡོད།། ལ་ལས
283b5 ཀུན་གཞིའི་ཆོས་སྐུར་འདོད།། དེ་ལ་ལན་བཏབ་བསྟན་པའི་ཕྱིར།། ཀུན་གཞིའི་མཚན་ཉིད་ཇི་ལྟར་ཡིན།། དེ་ནས་དེ་ཡི་ལན་སྨྲས་པ།། ཐམས་ཅད་རྫོགས་ཕྱིར་ཀུན་གཞི་ཡིན།། དེ་ནས་དྲིས་པའི་ཚིག་གིས
283b6 བཟློག། སངས་རྒྱས་འགྱུར་བ་ཡོད་པར་རིགས།། ཅི་ཕྱིར་ཀུན་གཞི་སྣ་ཚོགས་འཆར་བའི་ཕྱིར།། དེ་ལ་ཐམས་ཅད་རྫོགས་པའི་ཕྱིར།། སངས་རྒྱས་ཉིད་དུ་སེམས་ཅན་རིགས།། ཅི་ཕྱིར་ཐམས་ཅད་རྫོགས་པའི
iiif viewer powered by OpenSeadragon
