| e-texts navigator |
| Wylie |
282a1 བ་མེད་པའི་ཕྱིར།། དེ་ནས་ཚུར་ལ་བཟློག་པའི་ཚིག་སྨྲས་པ།། འོ་ན་ཅི་ལྟར་སེམས་ཉིད་འདོད།། དེ་ནས་དྲིས་ལན་རྒྱས་བཏབ་པ།། སེམས་ལ་འབྲས་བུ་མི་འདོད་དེ།། རིག་པའི་ཡེ་ཤེས་ཡོད་པའི
282a2 ཕྱིར།། འོ་ན་རིག་པ་འདི་ཉིད་ལ།། མཚན་ཉིད་རྣམ་པ་དུ་དང་ལྡན།། དེ་ནས་དྲིས་ལན་འདི་ལྟར་བྱ།། རིག་པའི་ཡེ་ཤེས་མཚན་ཉིད་ནི།། སྟོང་དང་གསལ་དང་ཁྱབ་པ་ཡིན།། ཅི་ཕྱིར་སྟོང་པ་ཉིད་ཅེས་བྱའོ།། དེ་ནས
282a3 དྲིས་ལན་འདི་ལྟར་བྱ།། རིག་པ་དངོས་པོ་མེད་པའི་ཕྱིར།། སྟོང་པ་ཞེས་ནི་དེ་ལ་བྱ།། དཔེར་ན་ནམ་མཁའ་སྟོང་པ་བཞིན།། སྣང་ཡང་དངོས་པོར་བཟུང་དུ་མེད།། དེ་ནས་དྲི་བ་དྲིས་པ་དང་།། འདི་སྐད་ཚིག་རྣམས
282a4 བརྗོད་པར་བྱ།། ཅི་ཕྱིར་སྟོང་པ་ཉིད་ཅེས་བྱ།། དེ་ནས་དྲིས་ལན་འདི་ལྟར་བྱའོ།། ཤེས་ཤིང་རིག་པ་ཡོད་པའི་ཕྱིར།། ཤེས་རིག་གསལ་བ་ཉིད་དུ་ཡོད།། ཅི་ཕྱིར་གསལ་བ་ཡོད་གྱུར་ན།། མཚན་མ་ཅན་དུ་མི་འགྱུར
282a5 རམ།། ཅི་ཕྱིར་གསལ་བ་མཛེས་པའི་ཕྱིར།། དེ་ནས་དྲིས་ལན་འདི་ལྟར་བྱ།། མཚན་མ་ཅན་དུ་མི་འགྱུར་ཏེ།། དེ་ལ་ཆགས་པ་མེད་པའི་ཕྱིར།། དེ་ཡང་འདི་ལྟར་ཤེས་པར་བྱའོ།། དཔེར་ན་ཉི་མའི་དཀྱིལ་འཁོར
282a6 བཞིན།། གསལ་ཡང་ཕྱོགས་སུ་མ་ལྷུང་བའོ།། ཅི་ཕྱིར་ཞེ་འདོད་མེད་པའི་ཕྱིར།། དེ་ལ་བཟློག་པའི་ཚིག་སྨྲས་པ།། གསལ་བ་ཞེ་འདོད་ཡོད་པའི་ཕྱིར།། ཅི་ཕྱིར་ཞེ་འདོད་མེད་པར་འགྱུར།། དེ་ལ་ཆགས་པས
iiif viewer powered by OpenSeadragon
