| e-texts navigator |
| Wylie |
281a1 པ།། དེ་ལ་ཕྱིར་ཟློག་འདི་ལྟ་སྟེ།། ཆོས་སྐུ་རྣམ་དག་ཡེ་ཤེས་ལ།། དངོས་པོ་གཟུང་དུ་མེད་པའི་ཕྱིར།། མཚན་མ་ཅན་དུ་བཏགས་པ་མེད།། གལ་ཏེ་མཚན་མ་ཡོད་ན་ཡང་།། ཆོས་སྐུ་གཟུང་དུ་ཡོད་པར
281a2 འགྱུར།། ཅི་ཕྱིར་མངོན་སུམ་ཡུལ་དུ་འདོད་པའི་ཕྱིར།། མཚན་མ་ཅན་དུ་ལྡོག་པ་ན།། ཆོས་སྐུ་གཟུགས་སྐུར་ཡོད་པར་འགྱུར།། ཅི་ཕྱིར་དམིགས་སུ་ཡོད་དགོས་ཕྱིར།། ཆོས་སྐུ་དེ་ལྟར་མི་འདོད་དེ།། ངོ་བོ་སྟོང་པ་རང
281a3 བཞིན་གསལ།། མཐུན་པའི་འོད་དང་བཅས་པར་འདོད།། དེ་ལ་རྒོལ་བ་འདི་ལྟར་འོང་།། ངོ་བོ་སྟོང་པ་ཡོད་པའི་ཕྱིར།། རིག་པ་མེད་པ་ཉིད་དུ་འགྱུར།། དཔེར་ན་ནམ་མཁའ་སྟོང་པ་བཞིན།། རིག་མེད་སྟོང་པ་ཉིད
281a4 དུ་འགྱུར།། གལ་ཏེ་སྟོང་ཉིད་ཡོད་ན་ནི།། ཆོས་སྐུའི་འོད་སྣང་མེད་པར་འགྱུར།། ཅི་ཕྱིར་སྟོང་པ་ཡིན་པའི་ཕྱིར།། འོན་ཀྱང་དེ་ལྟར་མི་འདོད་དེ།། སྟོང་པའི་རང་བཞིན་གསལ་བའི་ཕྱིར།། གསལ་བ་འདོད་ན་འདི་ལྟ།
281a5 སྟེ།། དེ་ལ་ཞེན་ཆགས་ཡོད་པའི་ཕྱིར།། ཆོས་སྒྲ་འདོད་པ་ཅན་དུ་འགྱུར།། ཅི་ཕྱིར་དགའ་བ་ཡོད་པའི་ཕྱིར།། འོན་ཀྱང་དེ་ལྟར་མི་འདོད་དོ།། སྣང་བའི་རང་འོད་ཡོད་པའི་ཕྱིར།། ཆོས་སྐུའི་རྒོལ་ཚིག་དེ་བཞིན་ནོ།། ལ
281a6 ལ་དག་གི་འདོད་པ་ནི།། སེམས་ལས་འབྲས་བུ་ཚོལ་བར་འདོད།། དེ་ལ་ཟློག་པ་འདི་ལྟ་སྟེ།། སེམས་ཀྱི་དངོས་པོ་ཅི་ལྟར་ལགས།། དྲིས་ལན་རྒྱས་པར་གདབ་པ་ནི།། སེམས་ལ་དངོས་པོ་མེད་པའི་ཕྱིར།། འོ་ན
iiif viewer powered by OpenSeadragon
