| e-texts navigator |
| Wylie |
280b1 བྱས་ནས། སྟོན་པ་ལ་འདི་སྐད་ཅེས་ཞུས་སོ།། ཀྱེ་ཀྱེ་སྟོན་པ་ཆེན་པོ་ཏིང་ངེ་འཛིན་ལ་བཞེངས་ནས། བདག་ཅག་མོས་པའི་འཁོར་རྣམས་ལ། ཐབས་དམ་པ་བསྟན་དུ་གསོལ། མ་རིག་པའི་ལིང་ཏོག་བསལ་དུ
280b2 གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ལྟ་བ་ངན་པ་སེལ་བའི་ཏིང་ངེ་འཛིན་ལས་བཞེངས་ཏེ། འཁོར་རྣམས་ལ་ཚིགས་སུ་བཅད་དེ་བཀའ་སྩལ་པ། ཨེ་མ་ཨེ་མ་འདུས་པའི་ཚོགས་རྣམས་ཉོན།། ང་ལ་སྐྱེ
280b3 དང་འཆི་མེད་ཀྱང་།། གལ་ཏེ་མྱ་ངན་འདས་སྲིད་ན།། མུ་སྟེགས་ལོག་པར་སྤྱོད་པ་རྣམས།། སུན་ཕྱུང་ཚར་གཅོད་བྱ་བའི་ཕྱིར།། གཏན་ཚིག་ཕྱིར་རྒོལ་ལེའུ་བསྟན།། གལ་ཏེ་གཞི་ལ་རྩོད་གྱུར་ན། གཞན་དག་རྩོད
280b4 པའི་གྲོགས་པོ་རྣམས།། ལྷུན་གྲུབ་དག་ཏུ་འདོད་པ་ན།། དྲི་བ་འདི་ལྟར་འདྲི་བར་བྱ།། སྣ་ཚོགས་འབྱུང་བར་འདོད་དམ་ཅི།། དྲིས་ལན་འདི་ལྟར་ཟེར་བ་ལ།། ལྡོག་པའི་རིག་པས་སུན་འབྱིན་བྱ།། སྣ་ཚོགས་འབྱུང
280b5 བར་འདོད་པ་ལ།། རོལ་པ་ཕྱོགས་མེད་འཆར་འདོད་ན།། གལ་ཏེ་ལྡོག་པ་འདི་ལྟར་བྱའོ།། ལྷུན་གྲུབ་དག་ཏུ་འདོད་པའི་ཕྱིར།། སེམས་ཅན་འབད་པས་གྲོལ་མི་འགྱུར།། གྲོལ་ན་ལྷུན་གྲུབ་མིན་པར་འགྱུར།། གཞི་དེ
280b6 འགྱུར་བ་ཅན་དུ་འགྱུར།། ཅི་ཕྱིར་ལྷུན་གྲུབ་ཡིན་པའི་ཕྱིར།། ལྷུན་གྲུབ་གཞི་ལ་མངོན་སུམ་མེད།། ཅི་ཕྱིར་གཏན་ཚིགས་མེད་པའི་ཕྱིར།། གང་ཕྱིར་རིག་པས་ཕུག་པའི་ཕྱིར།། ཆོས་སྐུ་མཚན་མ་ཅན་དུ་གང་འདོད
iiif viewer powered by OpenSeadragon
