| e-texts navigator |
| Wylie |
280a1 པ་ཆེན་པོ་གསང་བའི་རྒྱུད་ཆེན་པོ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་སྟོན་པས་རྒྱུད་ཆེན་པོ་འདི་གསུངས་སོ།། དང་པོའི་རྒྱུད་ཆེན་པོ་ཞེས་བྱ་བའོ།། དེ་ནས་མན་ངག་གི་སྡོམ་བྱང་སྙིང་གི
280a2 མེ་ལོང་གི་རྒྱུད་ཆེ་ཆུང་གསུངས་སོ།། དེས་ན་ཡང་རྒྱུད་ཐམས་ཅད་དུས་གཅིག་ལ་གསུངས་སོ།། སྟོན་པ་ཆེན་པོ་དེས་བསམ་གྱིས་མི་ཁྱབ་པའི་རྒྱུད་གསུངས་སོ།། རྫོགས་པ་ཆེན་པོའི་དོན་གཏན་ལ་འབེབས་པའི་རྒྱུད
280a3 ཀྱི་རྒྱལ་པོ་འདི་ཡིས་ཤེས་པར་བྱའོ།། གསང་སྔགས་ཀྱི་ཁ་བྱང་དུ་མཛད་པའོ།། ཡང་དག་པའི་ལམ་དང་འདྲེས་པའི་རྒྱུད་ཆེན་པོ་འདི།། ལས་དང་ལྡན་པ་སྦྱངས་པའི་སྟོབས་མ་ཉམས་པ་འགའི་བཅུད་ཡིན་ནོ།། སྐྱེས
280a4 བུ་བློ་རྩལ་རབ་ཀྱིས་བལྟ་བའི་རྒྱུད་ཡིན་ནོ།། ཞེས་སྟོན་པས་གསུངས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྒྱུད་ཀྱི་སྡོམ་བྱང་བསྟན་པའི་ལེའུ་སྟེ་དྲུག་ཅུ་རེ་བརྒྱད་པའོ།། །། དེ་ནས་ཡང་གསང
280a5 བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེའི་སྐུ།། བདག་ཅག་མོས་པའི་འཁོར་རྣམས་ལ།། སྟོན་པ་མྱ་ངན་འདས་འོག་ཏུ།། ལོག་ལྷའི་རིགས་རྣམས་ཐམས་ཅད་ཀུན།། རྩོད་ཅིང་སུན་འབྱིན
280a6 མི་འགྱུར་རམ།། རྒོལ་ཚིག་ལན་དང་བཅས་པ་གསུངས། ཞེས་ཞུས་སོ།། དེ་ནས་བཅོམ་ལྡན་འདས་བལྟ་བ་ངན་པ་སེལ་བའི་དགོངས་པ་ལ་བཞུགས་སོ།། དེ་ནས་མཁའ་འགྲོ་མ་རྣམས་ཀྱིས་ལྷའི་རོལ་མོ་སྣ་ཚོགས
iiif viewer powered by OpenSeadragon
