| e-texts navigator |
| Wylie |
279b1 གཞི་ལས་བཟློག་པའི་ཕྱིར།། མུ་ཏིག་ཕྲེང་བའི་རྒྱུད་ཅེས་གྲགས།། ཡེ་ཤེས་སྣང་བ་བསྟན་པའི་ཕྱིར།། སྒྲོན་མ་འབར་བའི་རྒྱུད་དུ་གྲགས།། རིག་པའི་རྐྱེན་རྣམས་སྤངས་པའི་ཕྱིར།། སྐུ་གདུང་འབར་བའི་རྒྱུད་དུ
279b2 གྲགས།། བལྟ་བ་གཏན་ལ་དབབ་པའི་ཕྱིར།། སེང་གེ་རྩལ་རྫོགས་རྒྱུད་དུ་གྲགས།། འཁྲུལ་སྣང་ལམ་དུ་ཁྱེར་བའི་ཕྱིར།། ཡི་གེ་མེད་པའི་རྒྱུད་ཅེས་གྲགས།། བར་དོའི་ཡེ་ཤེས་ངོས་གཟུང་ཕྱིར།། ཉི་ཟླ་ཁ་སྦྱོར་རྒྱུད
279b3 དུ་གྲགས།། སྒྲོན་མ་ཉམས་སུ་བླང་བའི་ཕྱིར།། ངོ་སྤྱོད་སྤྲས་པའི་རྒྱུད་དུ་གྲགས།། རང་གི་རིག་པ་བསྟན་པའི་ཕྱིར།། རིན་ཆེན་སྤུངས་པའི་རྒྱུད་དུ་གྲགས།། དབང་བསྐུར་གདམས་ངག་བསྟན་པའི་ཕྱིར།། རྫོགས་པ
279b4 རང་བྱུང་རྒྱུད་དུ་གྲགས།། དམ་ཉམས་རྩད་ནས་གཅད་པའི་ཕྱིར།། ནག་མོ་ཁྲོས་མའི་རྒྱུད་དུ་གྲགས།། དབང་གི་སྡོམ་བྱང་བསྟན་པའི་ཕྱིར།། གཙུག་ན་མེ་འབར་རྒྱུད་དུ་གྲགས།། ཞུས་ལེན་རྒྱས་པར་བསྟན་པའི
279b5 ཕྱིར།། མེ་ལྕེ་ཕྲེང་བའི་རྒྱུད་དུ་གྲགས།། འོད་ཟེར་བྱུང་ཚུལ་བསྟན་པའི་ཕྱིར།། འོད་ཟེར་ཅན་གྱི་རྒྱུད་དུ་གྲགས།། ཐམས་ཅད་བཅུད་དུ་བསྟན་པའི་ཕྱིར།། ཆེ་མཆོག་དགོངས་པའི་རྒྱུད་དུ་གྲགས།། དེ་ལ་སོགས་པའི
279b6 རྒྱུད་སྡེ་རྣམས།། དུར་ཁྲོད་ཆེན་པོའི་གནས་མཆོག་འདིར།། ངས་བཤད་ལེགས་པར་ཡིད་ལ་ཟུང་།། ཞེས་གསུངས་པས། གསང་བའི་བདག་པོ་ངོ་མཚར་མཆོག་ཏུ་སྐྱེས་ནས། ཡང་འདི་སྐད་ཅེས་གསོལ་ཏོ།། ཀྱེ་སྟོན
iiif viewer powered by OpenSeadragon
