| e-texts navigator |
| Wylie |
279a1 སྐུ་ཉིད་ཤར།། རང་ཤར་ཞེས་ཀྱང་དེ་ལ་བྱ།། རང་བྱུང་ཕོ་བྲང་དཀྱིལ་འཁོར་ནས།། སྐུ་ལྔ་ལྷག་གིས་བྱུང་བ་སྟེ།། འགག་མེད་རང་ཤར་ཆེན་པོར་བཤད།། རྡོ་རྗེ་སེམས་དཔའི་ཡེ་ཤེས་ནི།། རང་ལས
279a2 ཤར་ཞིང་སྤྱོད་པ་ནི།། རང་ཤར་ཆེན་པོའི་རྒྱུད་ཅེས་ཀུན་ཏུ་གྲགས།། རང་བྱུང་གསང་ཆེན་དཀྱིལ་འཁོར་ཀུན་ལ་རོལ།། ཐབས་ཀྱི་འཁོར་ལོ་བསྐོར་ཞིང་སྤྱོད་པའི་ཕྱིར།། རང་ཤར་ཆེན་པོའི་རྒྱུད་ཅེས་འགྲོ་བ་ཡོངས
279a3 ལ་གྲགས།། སངས་རྒྱས་རྣམས་ཀྱི་དགོངས་པ་འདུས་པའི་ཕྱིར།། རང་ཤར་རྒྱུད་ཅེས་ཡང་དག་གྲགས།། ཡང་དག་སངས་རྒྱས་ཀུན་གྱི་ལམ་ཡིན་པས།། འགྱུར་མེད་རང་ཤར་ཞེས་སུ་བཤད་པ་ཡིན།། ཐམས་ཅད
279a4 འགགས་མེད་ཀློང་དུ་འདུས་པའི་ཕྱིར།། རིག་པ་རང་ཤར་ཞེས་སུ་གྲགས།། དེ་ཡིས་དོན་ཆེན་དགྲོལ་བའི་ཕྱིར།། རང་གྲོལ་ཆེན་པོའི་རྒྱུད་དུ་གྲགས།། ཐམས་ཅད་གཏན་ལ་འབེབས་པའི་ཕྱིར།། ཐལ་འགྱུར་ཆེན
279a5 པོའི་རྒྱུད་དུ་གྲགས།། སྡོམ་བྱང་རྒྱས་པར་བསྟན་པའི་ཕྱིར།། སྙིང་གི་མེ་ལོང་ཞེས་སུ་གྲགས།། གདམས་ངག་དོན་ལ་བསྟན་པའི་ཕྱིར།། ནོར་བུ་ཕྲ་བཀོད་ཅེས་སུ་གྲགས།། གོལ་སྒྲིབ་གདར་ཤ་བཅད་པའི
279a6 ཕྱིར།། ཐུགས་ཀྱི་མེ་ལོང་ཞེས་སུ་གྲགས།། ཐམས་ཅད་དབྱིངས་སུ་བསྐྱལ་བའི་ཕྱིར།། ཀློང་ཆེན་དྲུག་པ་ཞེས་སུ་གྲགས།། འཁྲུལ་གཞི་གཏན་ལ་དབབ་པའི་ཕྱིར།། བཀྲ་ཤིས་མཛེས་ལྡན་རྒྱུད་དུ་གྲགས།། འཁྲུལ་པ
iiif viewer powered by OpenSeadragon
