| e-texts navigator |
| Wylie |
278b1 པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་སྟོབས་ཆེན་བདག། རྒྱུད་ཀྱི་རྒྱལ་པོ་ཆེན་པོ་ཡི།། ངེས་ཚིག་ཁ་བྱང་གསུང་དུ་གསོལ།། མོས་པ་སྐྱེ་བའི་འཁོར་རྣམས
278b2 ལ།། རྒྱུད་རྒྱལ་ངེས་ཚིག་རྒྱལ་པོ་གསུངས།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ང་ཡིས་ཁྱོད་ལ་བསྟན་པར་བྱ།། ལེགས་པའི་ཡིད་དང་བཅས་པས་ཉོན།། བདག་ཉིད་ལྟ།
278b3 བུའི་རིག་པ་ལ།། གཟུང་དང་འཛིན་པ་མེད་པའི་ཕྱིར།། རང་ཞེས་བྱ་བར་ཤེས་པས་བཤད།། རྒྱུད་ཀྱི་རྒྱལ་པོའི་ངེས་ཚིག་ནི།། ཀྱེ་མ་སྣ་ཚོགས་རིག་པའི་ཀློང་དུ་འདུས།། རིག་པའི་ཡེ་ཤེས་དངོས་པོ་སྟོན་པའི
278b4 ཕྱིར།། རིག་པའི་རྒྱུད་ཅེས་ཀུན་ཏུ་གྲགས་པ་ཡིན།། དེ་ཡང་འགག་མེད་རིག་པ་ལ།། ཆ་ཤས་ཆོས་དང་བྲལ་བའི་ཕྱིར།། རིག་པའི་རྒྱུད་ཅེས་ཀུན་ཏུ་གྲགས་པ་ཡིན།། རིག་པའི་རྒྱུད་ལ་འགྱུར་བ་མེད།། སྣ་ཚོགས་དོན
278b5 ལས་འདས་པའི་ཕྱིར།། རིག་པའི་རྒྱུད་ཅེས་ཀུན་ཏུ་གྲགས།། ཡེ་ཤེས་རྣམ་པ་ལྔ་ཡི་དོན།། རང་ལས་འཆར་ཞིང་སྟོན་པའི་ཕྱིར།། རང་གི་རྒྱུད་ཅེས་ཀུན་ཏུ་གྲགས།། རིག་པའི་ཆོས་སྐུ་དག་པ་དེ།། རང་ལས་རང་བྱུང
278b6 རྫོགས་པའི་ཕྱིར།། རང་གི་རྒྱུད་ཅེས་ཡོངས་སུ་གྲགས།། རིག་པ་སྐྱེ་འགག་མེད་པའི་དོན།། ང་ཡིས་ཁྱོད་ལ་བསྟན་པ་སྟེ།། རང་ཤར་ཞེས་ཀྱང་དེ་ལ་བྱ།། འཛིན་མེད་ཡངས་པའི་ཀློང་དཀྱིལ་ནས།། རྟོག་མེད་རང་བྱུང
iiif viewer powered by OpenSeadragon
