| e-texts navigator |
| Wylie |
278a1 ངོ་།། སྣང་བྱེད་རྡོ་རྗེའི་དཀྱིལ་འཁོར་ཉིད།། ཡང་དག་ཆོས་ཉིད་སྐྱེ་མེད་དམ།། ཡང་ན་འཛིན་མེད་རང་གྲོལ་ལོ།། ཅི་ཕྱིར་རང་གྲོལ་ཉིད་ཀྱི་རྒྱ།། མ་འགགས་ཆགས་པ་མེད་པའོ།། ཆགས་འཛིན་སེམས
278a2 ལས་གྲོལ་བ་ཉིད།། ཡང་དང་ཡང་དུ་ཤེས་པར་བྱའོ།། ཡང་དང་ཡང་དུ་འདྲིས་གྱུར་ན།། བདེན་པ་མཐོང་བའི་གང་ཟག་གོ། ཡེ་ཤེས་སྐྱེ་དང་བདེན་པ་མཐོང་།། རིག་པ་ཤེས་དང་ཆོས་ཉིད་གོ། ཡང་དག་བསྒྲུབ་དང་སྐྱེ
278a3 མེད་རྟོགས།། དེ་ཡང་བསྟན་པ་འདི་ལྟ་སྟེ།། དང་པོ་བདེན་པ་མཐོང་བ་གཅེས།། ཡེ་ཤེས་སྐྱེ་བའི་གང་ཟག་ནི། ཕྱོགས་གཅིག་ངེས་ཤེས་སྐྱེས་པའོ།། རིག་པ་ཤེས་པའི་གང་ཟག་ནི།། བདེན་པ་མཐོང་བའི་སྐྱེས
278a4 བུའོ།། ཆོས་ཉིད་གོམས་པའི་གང་ཟག་ནི།། དགེ་སྡིག་ཤེས་པའི་རྣལ་འབྱོར་རོ།། ཡང་དག་བསྒྲུབ་པའི་གང་ཟག་ནི།། དངོས་གྲུབ་ཕྲ་མོ་བརྙེས་པའོ།། སྐྱེ་མེད་རྟོགས་པའི་རྣལ་འབྱོར་ནི།། ཡེ་ཤེས་མཐོང་བ་མ་ཡིན
278a5 ནོ།། བདེན་པ་མཐོང་བའི་གང་ཟག་ནི། ཡང་དག་དཀྱིལ་འཁོར་མཐོང་བའོ།། ཡང་དག་དཀྱིལ་འཁོར་ཆེན་པོའི་དོན།། སུས་ཀྱང་མཐོང་བ་མེད་པར་གསུངས།། རྡོ་རྗེ་སེམས་དཔའི་ཆོས་ཉིད་འདི།། མཐོང་བ་མཆོག
278a6 ཏུ་གྱུར་བ་ལས།། གཞན་གྱིས་མཐོང་བ་ཡོད་རེ་ཀན།། ཞེས་སྟོན་པས་བྲོ་བཏོན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྫོགས་ཆེན་གཏན་ཚིགས་དང་བཅས་ཏེ་བསྟན་པའི་ལེའུ་སྟེ་དྲུག་ཅུ་རེ་བདུན
iiif viewer powered by OpenSeadragon
