| e-texts navigator |
| Wylie |
277b1 རྒྱལ་དགའ་བོའི་ནོར་བུ་ལྟར།། ཟད་མེད་གཏེར་ལ་སྤྱོད་པའོ།། མ་འོངས་ཚིག་ལས་འདས་པའི་ཕྱིར།། དངོས་པོའི་གཟུགས་སུ་མེད་པའོ།། མཚན་མའི་ཆོས་ཉིད་སངས་པའི་ཕྱིར།། འཛིན་མེད་ཅིག་ཅར་འཇུག
277b2 པའོ།། དཔེར་ན་ཙནྡན་སྡོང་པོ་ལ།། སྦྲུལ་གྱིས་བསྲུངས་ཏེ་ལོན་པ་མེད།། ལོན་ན་ཚད་པའི་ནད་རྣམས་སེལ།། དེ་བཞིན་ཡེ་ཤེས་སྣང་བ་ཉིད།། བག་ཆགས་འཁྲུལ་པ་འདི་ཡིས་བསྲུངས།། འཁྲུལ་སྣང་འགག་ན་དག
277b3 སྣང་སྐྱེ།། དག་པའི་སྣང་བ་ཆེན་པོ་ལ།། འཛིན་པའི་ཆོས་ཉིད་མེད་པའོ།། སེམས་ཅན་ཀུན་གྱིས་སྣང་བ་ནི།། བར་དོར་ཡུལ་ལ་རྣམ་པར་སྣང་།། བར་དོའི་ཆོས་ཉིད་དུས་ལས་འགྱུར་བ་མེད།། འགྱུར་མེད་ཆོས་ལ
277b4 འཁྲུལ་པ་མེད།། འཁྲུལ་པ་ཡོད་ན་ཆོས་ཉིད་མིན།། རང་གསལ་ཆོས་ལ་འགག་པ་མེད།། འགག་མེད་ཆོས་ལ་རྟོགས་པ་མེད།། དེ་བཞིན་ཆོས་ཉིད་རྟོགས་པ་རྣམས།། ཡང་དག་ཆོས་ཉིད་ཀུན་གྱི་ལམ།། ལམ་ལ
277b5 གནས་ན་ཡང་དག་ཆོས།། རྡོ་རྗེ་སེམས་དཔའི་དཀྱིལ་འཁོར་ཉིད།། གསང་སྔགས་གསང་བའི་ཡེ་ཤེས་ཉིད།། གང་ལ་ཐོགས་པ་མེད་པར་འཆར།། ཤར་བ་མེད་ཅིང་ནུབ་པ་མེད།། སྟོང་པའི་ཆོས་ཉིད་ཡེ་ཤེས
277b6 ཡིན།། གསལ་བ་རྟོག་མེད་མཉམ་པ་མེད།། གོང་ན་མེད་པའི་ཆོས་ཉིད་ནི།། ཆུ་ཟླ་རྐྱེན་དང་འཕྲད་པ་བཞིན།། དངོས་སྣང་གཟུང་དུ་མེད་པའོ།། དཔེ་ཡི་དཀྱིལ་འཁོར་ཆེན་པོ་ཉིད།། གང་ལྟར་བརྟགས་པ་ལྟར་སྣང
iiif viewer powered by OpenSeadragon
