| e-texts navigator |
| Wylie |
277a1 ཕྱིར་ལྟ་བ་ཡོད་གྱུར་ན།། རིག་པའི་སྒྲོན་མ་མེད་པར་འགྱུར།། རྣམ་དག་ཡེ་ཤེས་སྒྲོན་མ་ལས།། ལྟ་བྱེད་ཡོད་དེ་བལྟ་བ་མེད།། ཉིད་ལས་མི་གཞན་འཁོར་ཉིད་ཀྱང་།། སྒྲོན་མ་ཉིད་ཀྱི་དཔལ
277a2 རྫོགས།། དེ་ཕྱིར་རྫོགས་ཆེན་ཨ་ཏི་ལ།། ལྟ་བར་འཛིན་པའི་ཆོས་ཉིད་མེད།། ཅི་ཕྱིར་སྒྲོན་མ་ཡོད་པའི་ཕྱིར།། དེ་ཕྱིར་ལྟ་བ་མེད་པར་བཤད།། རྫོགས་ཆེན་ཨ་ཏི་ཡོ་ག་ལ།། འབྲས་བུ་བསྒྲུབ་ཏུ་མེད་པར
277a3 གསུངས།། འབྲས་བུ་བྱར་མེད་རང་བྱུང་ཉིད།། རྟོག་མེད་པ་ལ་དེ་བཞིན་ཉིད།། ཡེ་ཤེས་དག་སྣང་ཆེན་པོ་ལ།། འཛིན་མེད་རང་མདངས་གསལ་བའི་ཕྱིར།། གལ་ཏེ་འབྲས་བུ་ཡོད་པ་ན།། སངས་རྒྱས་མེད་པ་ཉིད་དུ
277a4 འགྱུར།། རང་བྱུང་རྩོལ་བ་མེད་པ་ཡི།། འབྲས་བུ་བྱས་པའི་ཆོས་ཉིད་དོ།། བྱས་པ་གང་དང་གང་ཡོད་པ། འཇིག་པའི་ཆོས་ཉིད་ཡིན་པའི་ཕྱིར།། དེ་ཕྱིར་འབྲས་བུ་བསྒྲུབ་ཏུ་མེད།། བསྒྲུབས་ཟིན་བསྒྲུབ་ཏུ་མེད་པའི
277a5 ཕྱིར།། དེ་ཕྱིར་འབྲས་བུ་མེད་པར་བཤད།། རྫོགས་ཆེན་ཨ་ཏི་ཡོ་ག་ལ།། བྱ་དང་བྱེད་པའི་ཆོས་མེད་པས།། གཅིག་དང་བྱེ་བྲག་མེད་པ་ཡིན།། རྫོགས་ཆེན་ཆོས་ཉིད་ཆེན་པོ་ནི།། འདས་པའི་ཚིག་གིས་མཚོན་དུ
277a6 མེད།། མ་ལ་ཡ་ཡི་རྩེ་མོ་ནས།། ཡང་དག་སྣང་སྲིད་ཆོས་ཀྱི་སྐུ།། མཐོང་བའི་དཔེ་མེད་དཔེ་དང་བྲལ།། དཔེ་ཟླ་མེད་པའི་ཉག་གཅིག་པོ།། ད་ལྟར་བཞུགས་པ་བསྟན་དུ་ཡོད།། རྒྱ་མཚོ་ཆེན་པོའི་གཏིང་རུམ་ན།། ཀླུ
iiif viewer powered by OpenSeadragon
