| e-texts navigator |
| Wylie |
276b1 ལ།། ལྷ་དང་སྒོམ་དང་སྤྱོད་པ་མེད།། འོན་ཀྱང་ལེགས་པར་ཡིད་ལ་ཟུང་།། བསྒྲུབ་མེད་རྩལ་སྤུག་སྨོན་པ་མེད་པ་ཡི།། བྱར་མེད་ལྷུན་རྫོགས་སྔ་མ་དེ་ཉིད་དོན།། བྱ་དང་བྱེད་པ་ག་ལ་ཡོད།། སྤྱོད་པ་མེད་པའི་ཆོས
276b2 ཉིད་རང་བྱུང་འདི།། གང་ཡིན་ཕྱོགས་སུ་མ་ལྷུང་དཔེར་ན་ནམ་མཁའ་བཞིན།། ཡོད་པ་མ་ཡིན་སྟོང་པ་གཅིག་པུ་ཉིད།། མེད་པ་མ་ཡིན་ཡང་དག་བདེ་བའི་སྐུ།། བྱས་པ་མ་ཡིན་རང་བྱུང་རྟོག་མེད་ཉིད།། རྫོགས་ཆེན
276b3 ཨ་ཏི་ཡོ་ག་ལ།། བསྒོམ་པའི་ཆོས་ཉིད་ག་ལ་ཡོད།། བཏང་དང་གཞག་པ་མེད་པའི་ཆོས།། སྒོམ་དང་མ་བསྒོམས་མཐའ་ལས་གྲོལ།། འཛིན་མེད་སེམས་ཀྱི་དྲི་མས་བཅིངས།། ཡང་དག་རིག་པ་དྲི་མ་མེད།། དྲི་མེད
276b4 དག་པའི་ཆོས་སྐུ་ལ།། སྒོམ་དང་བསྒོམ་པར་བྱ་བ་མེད།། བསྒོམས་པས་ཡང་དག་ཉིད་མི་རྙེད།། རྙེད་ན་རང་རིག་མེད་པར་འགྱུར།། ཅི་ཕྱིར་རང་རིག་ཡེ་ཤེས་ལ།། ཡེངས་དང་མ་ཡེངས་མེད་པའི་ཕྱིར།། གང་ལ
276b5 འཛིན་པ་ཡོད་པ་ལ།། རང་བྱུང་ཡེ་ཤེས་ཡོད་མ་ཡིན།། གལ་ཏེ་རང་བྱུང་ཡེ་ཤེས་ཉིད།། བསྒོམ་པའི་དབང་དུ་གྱུར་པ་ན།། ཡེ་ནས་དམ་བཅའ་འགལ་བར་འགྱུར།། དེ་ཕྱིར་རྫོགས་ཆེན་ཨ་ཏི་ལ། བསྒོམས་པས་དོན
276b6 མི་མཐོང་བར་བཤད།། རྫོགས་ཆེན་ཨ་ཏི་ཡོ་ག་ལ།། ལྟ་བ་ཉིད་ལ་བལྟ་རུ་མེད།། ལྟ་བ་སེམས་ཀྱི་དྲི་མ་ཡིན།། དྲི་མ་དག་པའི་ཆོས་ཉིད་ལས།། བལྟ་བྱ་ལྟ་བྱེད་གཉིས་དང་བྲལ།། ལྟ་བ་ཉིད་ལ་བལྟ་རུ་མེད།། ཅི
iiif viewer powered by OpenSeadragon
