| e-texts navigator |
| Wylie |
276a1 སོ།། དེ་ནས་ཡང་སྟོན་པས་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། སེམས་ཀྱི་རྣམ་རྟོག་སྤོངས་ལ་ཉོན།། ཡང་དག་ཐབས་ཆེན་དོན་བཤད
276a2 ཀྱིས།། མ་ཡེངས་ཚུལ་གྱིས་གུས་པར་ཉོན།། སངས་རྒྱས་དགོངས་པའི་ཚད་གསུངས་པ།། གསང་བ་སྙིང་གི་ཕོ་བྲང་ན།། ཉུང་འབྲུའམ་ནི་ཏིལ་འབྲུ་ཙམ།། མ་བསྐྱེད་རྫོགས་པའི་ཚུལ་དུ་གནས།། དེ་ལ་རྟོགས་དང་མ
276a3 རྟོགས་མེད།། ཡིན་དང་མིན་པའི་མཐའ་ལས་གྲོལ།། ཤེས་དང་མ་ཤེས་གཉིས་སུ་མེད།། ཡངས་ཤིང་ཆ་ཕྲ་ཀུན་གྱིས་མཐོང་བ་མེད།། རྒྱ་ཆེ་གཏིང་ཟབ་ཀུན་གྱིས་ཤེས་པ་མེད།། འགྱུར་མེད་ཀློང་ཡངས་མཐའ
276a4 ལ་ཐུག་པ་མེད། འགགས་མེད་སྤྱི་མདུང་དབྱིངས་ལ་བྲི་བ་མེད།། རྟོག་མེད་རང་གྲོལ་ལམ་ལ་སྦྱང་དུ་མེད།། རང་བྱུང་རང་ཤར་ངང་གིས་གོ་བ་མེད།། འབྱམས་ཡས་ཕུག་རྡིབ་སྙིང་པོ་གཞི་ལ་རྫོགས།། རྫོག་པ་རང
276a5 བདག་འབྱུང་བ་ཀུན་གྱི་བདག། མཐའ་འདུས་དོན་སྤྱོད་སེམས་ལ་གཡེང་བ་མེད།། ང་མེད་བདག་མེད་འཛིན་པའི་བློ་དང་བྲལ།། དེ་སྐད་ཅེས་བཀའ་སྩལ་པས། དེ་ནས་ཡང་གསང་བའི་བདག་པོས་འདི་སྐད་ཅེས
276a6 ཞུས་སོ།། ཀྱེ་ཀྱེ་སྟོན་པ་ཆེན་པོ་ལགས།། རྫོགས་ཆེན་ཨ་ཏི་ཡོ་ག་ཡི།། ལྟ་བསྒོམ་འབྲས་བུ་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། རྫོགས་ཆེན་ཨ་ཏི་ཡོ་ག
iiif viewer powered by OpenSeadragon
