| e-texts navigator |
| Wylie |
275b1 རྫོགས་པའི་འབྱུང་བའོ།། གང་ཟག་རྐྱེན་གྱི་དབང་དུ་མ་སོང་བ་རྣམས་དེ་བཞིན་དུ་ཚེའི་དུས་བྱེད་དོ།། དེ་ལྟར་མིན་པ་ཚེའི་འདུ་བྱེད་བྱས་པ་ནི། བྱང་ཆུབ་སེམས་དཔའི་དབུགས་འཕོ་ལུགས་ཞེས་བྱ་སྟེ། སྐྱེ་གནས
275b2 ཀྱང་བདེ་བ་དང་ལྡན་པར་སྐྱེའོ།། དེ་མིན་ལས་ཟད་པ་རྣམས་ལ་དེ་བཞིན་དུ་ཤེས་པར་གྱིས་ཤིག། བདེན་པ་མཐོང་བའི་སེམས་ཅན་རྣམས་ལ་འདི་ལྟར་ཤེས་པར་བྱའོ།། རིགས་ཀྱི་བུ་དེ་མྱ་ངན་ལས་འདས་པའི་ཚེ
275b3 ལུས་ཀྱི་ཟུང་ཤེར་ནས་ཡེ་ཤེས་ཀྱི་སྣང་བ་གཞི་ལས་འཕགས་ནས་ཡེ་ཤེས་མཁའ་ལ་བསྐྱོད་པའི་ཚེ། རིག་པ་མིག་ནས་ལམ་ཕྱུང་ནས་མཁའ་ལ་བསྐྱོད་དོ།། དེ་ཡང་འདི་ལྟར་ཤེས་པར་བྱའོ།། ཙིཏྟའི་དཀྱིལ་ནས་རིག
275b4 པ་ཐིག་ལེ་ལ་ཐིམ་མོ།། ཐིག་ལེ་སྒྲོན་མ་ལ་ཐིམ་མོ།། སྒྲོན་མ་འོད་ལ་ཐིམ་མོ།། འོད་སྐུ་ལ་ཐིམ་མོ།། སྐུ་ཚོམ་བུ་ལ་ཐིམ་མོ།། ཚོམ་བུ་ཡེ་ཤེས་ལ་ཐིམ་མོ།། ཡེ་ཤེས་ལྷུན་གྲུབ་ལ་ཐིམ་མོ།། ལྷུན་གྲུབ་ཀ་དག་ཆེན་པོ
275b5 ལ་ཐིམ་ནས་ས་ཟིན་པའོ།། གང་ཟག་བདེན་པ་མཐོང་བ་རྣམས་ཀྱི་ཐིམ་ལུགས་དང་གྲོལ་ལུགས་དེ་ལྟར་སྣང་ངོ་།། ཞེས་རིག་པ་རང་ཤར་ཆེན་པོའི་རྒྱུད་ལས། སེམས་ཅན་གྱི་འཕོ་ཚུལ་བསྟན་པའི་ལེའུ་སྟེ་དྲུག་ཅུ་རེ
275b6 དྲུག་པའོ།། །། དེ་ནས་ཡང་གསང་བའི་བདག་པོས་འདི་སྐད་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་སེམས། བདག་ཅག་མ་རིག་སེམས་ཅན་ལ།། ཐར་པའི་ཐབས་ཆེན་གསུང་དུ་གསོལ།། ཞེས་ཞུས
iiif viewer powered by OpenSeadragon
