| e-texts navigator |
| Wylie |
274a1 ལ་ཐིམ་པའི་དུས་ནི། དང་པོའི་དུས་སོ།། ནང་གི་ས་ཕྱིའི་ས་ལ་ཐིམ་པའི་རྟགས་སུ། ལུས་ཀྱི་སྟོབས་འཆོར་རོ།། དེ་ཡང་འདི་ལྟ་སྟེ། ཀུན་ཏུ་སྣང་བའི་ས་ཐིམ་པའི་རྟགས་སུ། ཕྱིའི་ཤེས་པ་རྨུགས། མི
274a2 འགྱུར་བ་རྡོ་རྗེ་ས་ཐིམ་པའི་རྟགས་སུ། ལུས་ཀྱི་སྟོབས་འཆོར་རོ།། ཐམས་ཅད་འབྱུང་བ་རིན་པོ་ཆེའི་ས་ཐིམ་པའི་རྟགས་སུ་སྟོབས་ཉམས་ནས་ལྡང་མི་ནུས། སྣང་བ་སྟོན་པ་ཀུན་ཏུ་མཐའ་ཡས་པའི་ས་ཐིམ་པའི
274a3 རྟགས་སུ། ལོངས་སྤྱོད་རྫོགས་པའི་སྟོབས་འཆོར་ནས་དགོངས་པ་མི་གསལ་ལོ།། བསྒྲུབ་པ་མཐར་ཕྱིན་པའི་ས་ཐིམ་པའི་རྟགས་སུ། སྒྲོན་མའི་སྣང་བ་འགགས་སོ།། ནང་གི་ཆུ་ཕྱིའི་ཆུ་ལ་ཐིམ་པའི་རྟགས་སུ། ཆུ
274a4 མི་ཐུབ་སྟེ།། འགྱུར་བ་མེད་པའི་ཆུ་ཐིམ་པའི་རྟགས་སུ། ཁ་སྣ་ནས་ཆུ་འཛག། ཞི་བ་གསལ་དག་གི་ཆུ་ཐིམ་པའི་རྟགས་སུ། གསང་བའི་གནས་ནས་ཆུ་མི་ཐུབ། ཡོན་ཏན་རྒྱས་པའི་ཆུ་ཐིམ་པའི་རྟགས་སུ། མིག་གྱེན
274a5 ལ་ལྡོག་ནས་འོང་། ཆགས་པ་མེད་པའི་ཆུ་ཐིམ་པའི་རྟགས་སུ། ཁ་སྣ་སྐམ་པ་ཡིན། འཛིན་མེད་རྫོགས་པའི་ཆུ་ཐིམ་པའི་རྟགས་སུ་རྣ་བས་སྒྲ་མི་ཐོས་པ་ཡིན་ནོ།། ནང་གི་མེ་ཕྱིའི་མེ་ལ་ཐིམ་པའི་རྟགས་སུ་ལུས་ཀྱི་དྲོད
274a6 འཆོར་བ་ཡིན། དེ་ཡང་འདི་ལྟར་ཤེས་པར་བྱའོ།། ཕྱི་ནང་ཀུན་ཁྱབ་ཀྱི་མེ་ཐིམ་པའི་རྟགས་སུ། ནང་གི་དྲོད་ཤོར་ཞིང་ཤེས་པ་མི་གསལ། ཕྱི་ནང་ཀུན་ཏུ་མཉམ་པའི་མེ་ཐིམ་པའི་རྟགས་སུ།། གསང་བའི་དྲོད་འཆོར།།
iiif viewer powered by OpenSeadragon
