| e-texts navigator |
| Wylie |
273a1 ཆུད་དོ།། དེ་ནས་ཡང་དེ་བཞིན་གཤེགས་པ་ཐམས་ཅད་ཀྱིས་དགོངས་པའི་ཚད་གསུངས་པ། ཨེ་མ་ཧོ། གསང་བའི་བདག་པོ་ཉོན།། སངས་རྒྱས་ཀུན་གྱིས་དགོངས་པ་ནི། སེམས་ཅན་ཀུན་གྱི་ལམ་ལ
273a2 གནས།། རྣམ་དག་དོན་སྤྱོད་དགོངས་པ་ནི།། ཐུན་དང་མཚམས་མེད་གཅིག་པུ་ཉིད།། གཞན་ལ་བརྟེན་པ་མ་ཡིན་ནོ།། གཞན་ལ་བརྟེན་ན་རྩོལ་བར་འགྱུར།། ཉོན་ཅིག་སངས་རྒྱས་དགོངས་པ་ནི། བྱ་དང་བྱེད་པའི
273a3 ཆོས་དང་བྲལ།། བྱ་བྱེད་སྤངས་ན་བདེ་བ་རྙེད།། བདེ་བ་རྙེད་པའི་གང་ཟག་དེ།། ཡང་དག་ས་ལ་ལྷུན་གྲུབ་རྙེད།། དེ་ནི་དགོངས་པའི་ཚད་མ་ཡིན།། ཆོས་རྣམས་ཀུན་གྱི་དགོངས་པ་ནི།། རང་དག་རང་གྲོལ་ཆེན
273a4 པོའོ།། དགོངས་དང་མི་དགོངས་ཚིག་གི་ལམ།། ཚིག་ལྡན་ལ་ཡང་བདེ་བ་མེད།། ཡང་དག་ཆོས་སྐུ་འགག་པ་མེད།། ཚིག་ལས་འདས་པའི་ཆོས་སྐུའོ།། ཞེས་གསུངས་ནས། མི་སྣང་བའི་ངང་དུ་སེ་གོལ་གཏོགས་པ
273a5 ཙམ་ལ་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྗེས་སུ་ལུང་བསྟན་པའི་ལེའུ་སྟེ་དྲུག་ཅུ་རེ་ལྔ་པའོ།། །། དེ་ནས་ཡང་གསང་བའི་བདག་པོའི་ངོ་མཚར་མཆོག་ཏུ་སྐྱེས་འདི་སྐད་ཅེས
273a6 གསོལ་ཏོ།། ཀྱེ་སྟོན་པ་ཐུགས་རྗེ་ཆེན་པོ་དང་ལྡན་པ། བདག་ཅག་མོས་པའི་འཁོར་རྣམས་ལ།། སེམས་ཅན་སྣང་བ་ཇི་ལྟར་དགག་གསུང་དུ་གསོལ། ལུང་བསྟན་དུ་གསོལ། ཞེས་ཞུ་བ་ཞུས་སོ།། དེ་ནས་ཡང་སྟོན
iiif viewer powered by OpenSeadragon
