| e-texts navigator |
| Wylie |
270a1 སྣང་བ་ལ་ཞག་ལྔ། ལྷུན་གྲུབ་ཀྱི་སྣང་བ་ལ་ཞག་གཅིག་གནས་ནས་ངེས་པ་རྙེད་ནས་བརྟན་པ་ཐོབ་བོ།། སྤྲུལ་པ་ཡང་ཞག་སུམ་ཅུ་རྩ་བདུན་ནས་དོན་བྱེད་ནུས་སོ།། འབྲིང་གི་ཐ་མ་ནི་ཞག་བཅུ
270a2 གསུམ་ཐོགས་ཏེ། དེ་ཡང་ཚོམ་བུ་གོང་འོག་ལ་ཞག་དྲུག། ཡེ་ཤེས་ལ་ལྔ། ལྷུན་གྲུབ་ལ་ཞག་གཉིས་གནས་པས། ཡང་ཅིར་སྣང་མར་མེའི་དཀྱིལ་འཁོར་ལྟར་མཐོང་ནས་ངེས་པ་རྙེད་དོ།། སྤྲུལ་པ་ཡང་ཞག་སུམ་ཅུ་རྩ
270a3 དགུ་ནས་དོན་བྱེད་ནུས་སོ།། བྷ་དོན་གཅིག་གི་རིག་པ། དྷཱ། ཤེས་རབ་ཀྱི་རིག་པ། སིང་། གཞི་ལས། ཁུ་བ་སཿའདི་ཡང་ལུ་པ་ཡ་དང་། དྷ་པ་ཡཿདག་བྱུང་། གསེར་དུ་སྣང་བ། ཨཿསྐྱེ་བ་མེད། དེ་ནས་ཡང་གསང་བའི་བདག་པོས་འདི་སྐད་ཅེས
270a4 གསོལ་ཏོ།། ཀྱེ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་དབང་པོ་ཐ་མའི་གྲོལ་ལུགས་གསུང་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་གསང་བའི་བདག་པོ་ཉོན་ཅིག་དབང་པོ་ཐ་མའི་གྲོལ
270a5 ལུགས་ནི་འདི་ལྟ་སྟེ། དེ་ཡང་ཐ་མའི་ས་ཟིན་པ་ནི། ཞག་བཅུ་བཞི་ཐོགས། དེ་ཡང་ཚོམ་བུ་གོང་འོག་ལ་དྲུག་ཡེ་ཤེས་ལ་ལྔ། ལྷུན་གྲུབ་ལ་གསུམ་ཐོགས་པའི་ཐ་མ་ལ་རང་གི་སྣང་བར་མཐོང་ནས་ཡང་འཚང
270a6 རྒྱའོ།། སྤྲུལ་པ་ཡང་ཞག་བཞི་བཅུ་ནས་དོན་བྱེད་ནུས་སོ།། ཐ་མའི་རྩེ་མོ་ནི་ཞག་བཅོ་ལྔ་ཐོགས་ཏེ། ཡང་ཚོམ་བུ་དང་ཡེ་ཤེས་གོང་བཞིན་ནོ།། ལྷུན་གྲུབ་ལ་ཞག་བཞི་གནས་པའི་ཐ་མ་ཡང་རང་གི་སྣང་བར་མཐོང
iiif viewer powered by OpenSeadragon
