| e-texts navigator |
| Wylie |
268a1 རབ་ཀྱི་མཆོག་ནི་ཞག་གཉིས་ནས་འཚང་རྒྱ་སྟེ། དེ་ཡང་ཚོམ་བུའི་སྣང་བ་ལ་ཞག་གཅིག་སྡོད་དེ། དེ་ཡང་རང་གི་ཐུགས་ཀ་ནས་ཡེ་ཤེས་ཀྱི་ཉི་མ་གཅིག་འཆར་ཏེ། དེ་ལས་འོད་ཟེར་ཕྱོགས་བཅུར
268a2 འཕྲོས། དེ་ལས་འོད་ཟེར་གྱི་རྩེ་མོ་རེ་རེ་ལ་དེ་བཞིན་གཤེགས་པའི་སྐུ་རེ་རེ་འཆར་རོ།། དེ་ནས་སྣང་བའི་སྤྱོད་ཡུལ་ཐམས་ཅད་སྐུའི་རང་བཞིན་དུ་མཐོང་ངོ་།། དེ་ནས་ཡང་ལྷུན་གྲུབ་ཀྱི་སྣང་བ་ཡང་ངེས་པ་རྙེད་ནས།
268a3 སྤྲུལ་པ་ཞག་བདུན་ནས་དོན་བྱེད་དུས་སོ།། ཡང་སྐར་མདའ་བཞིན་ནོ།། རབ་ཀྱི་ཕུལ་ནི་ཞག་གསུམ་གྱིས་བར་དོ་ལ་སྡོད་དོ།། དེ་ཡང་ཚོམ་བུ་ལ་ཞག་གཅིག་སྡོད་དོ།། དེ་ལ་ཡང་ངེས་པ་མ་རྙེད་པར་ཡེ་ཤེས་ཀྱི་སྣང
268a4 བ་ལ་རང་གི་སྣང་བ་ཆ་གཅིག་འཆར་རོ།། དེར་ཡང་ཞག་གཉིས་སྡོད་དོ།། ཞག་དང་པོར་འོད་མཐོང་ངོ་།། ཞག་གཉིས་པ་ལ་སྐུ་མཐོང་ངོ་།། སྐུ་དེ་ཡང་ཆེ་བ་རགས་པ་མཐོང་ངོ་།། དེ་ལ་ཡིད་ཆེས་ནས་ལྷུན་གྲུབ
268a5 ཀྱི་ས་ལ་ངེས་པ་རྙེད་དོ།། དེ་ཡང་སྐར་མདའ་ལྟར་ཤེས་པར་བྱའོ།། སྤྲུལ་པ་ཡང་ཞག་བཅུ་གཅིག་ནས་དོན་བྱེད་ནུས་སོ། རབ་ཀྱི་རབ་ནི། ཞག་བཞི་བར་དོ་ལ་སྡོད་དེ། དེ་ཡང་རང་གི་མདུན་ན་ཚོམ་བུ་ལྔ་བཀྲ་ས་ལེ
268a6 འདུག་པ་མཐོང་ནས། དེ་ལ་རང་གི་བག་ཆགས་སད་ནས། ཤར་ཕྱོགས་ཀྱི་ཚོམ་བུ་ལ་ཞག་གཅིག་སྡོད་དོ།། དེ་བཞིན་དུ་ཕྱོགས་བཞིའི་ཚོམ་བུ་ལ་ཞག་རེ་རེ་སྡོད་དོ།། དེ་ནས་ཡང་ལྷུན་གྲུབ་ལ་ངེས་པ་རྙེད་ནས་འཚང
iiif viewer powered by OpenSeadragon
