| e-texts navigator |
| Wylie |
266b1 མེད་པའི་ཆོས་སྐུ་གསལ།། བརྗོད་དུ་མེད་པའི་མན་ངག་ལ།། གཟུང་དུ་མེད་པའི་རིག་པ་ཟིན།། བཤད་དུ་མེད་པའི་ཆོས་ཉིད་ལས།། ཐོབ་ཏུ་མེད་པའི་འབྲས་བུ་ཐོབ།། ཡི་གེ་མེད་པའི་རྒྱུད་ཆེན་ལས།། བཤད་དུ
266b2 མེད་པའི་སངས་རྒྱས་གསལ།། བསྒྲུབ་ཏུ་མེད་པའི་ཕྲིན་ལས་ལ།། བྱ་རུ་མེད་པའི་མཆོད་པ་གསལ།། ཆོས་ཉིད་འགྱུར་མེད་སྣང་བ་ལ།། ལྷ་དང་བྲལ་བའི་རིག་པ་གསལ།། སྟོང་པ་ཉིད་ཀྱི་ཆོས་ཉིད་ལ།། བདེ་བ་ཟག།
266b3 མེད་ཐིག་ལེ་གསལ།། ཡང་དག་དོན་གྱི་ཆོས་སྐུ་ལ།། རྟོག་མེད་གསལ་བའི་ཡེ་ཤེས་གསལ།། འགྱུར་མེད་རང་གསལ་ངོ་བོ་ལ།། རྟོག་མེད་མཉམ་པའི་ཐིག་ལེ་གསལ།། རྣམ་དག་དབྱིངས་ཀྱི་ཐིག་ལེ་ལ།། བརྗོད
266b4 མེད་ལམ་གྱི་ཐིག་ལེ་གསལ།། ས་ལ་མི་གནས་སྐུ་མཆོག་ལ།། བཏང་སྙོམས་ཡེ་ཤེས་དཀྱིལ་འཁོར་གསལ།། བྱ་རྩོལ་བྲལ་བའི་ཆོས་ཉིད་ལ།། དཀྱིལ་འཁོར་ལྔ་ཡི་འདུ་འཕྲོ་གསལ།། རྟོག་པ་ལམ་གྱི་སངས་རྒྱས
266b5 ལ།། འབྲས་བུ་རྒྱུ་ཡི་སངས་རྒྱས་གསལ།། གྲོལ་བ་འབྲས་བུའི་སངས་རྒྱས་ལ།། སྨིན་པ་རྟགས་ཀྱི་སངས་རྒྱས་གསལ།། བྱ་བྱེད་བྲལ་བའི་རིག་པ་ལ།། འཛིན་མེད་རྡོ་རྗེའི་སྐུ་ཉིད་གསལ།། ཀུན་ཏུ་ཁྱབ་པའི་ཡེ
266b6 ཤེས་ལ།། རང་གསལ་ཆོས་ཉིད་རྟོག་མེད་གསལ།། ཨེ་མ་ཧོ།། འཛིན་པ་མེད་པའི་ཆོས་ཉིད་རང་གདངས་གསལ་བའི་ཤུགས།། རྟོག་པ་མེད་པའི་ཆོས་ཉིད་མཁའ་ཁྱབ་ཀུན་ལ་རོལ།། འཛིན་པ་མེད་པའི་ཆོས་ཉིད
iiif viewer powered by OpenSeadragon
