| e-texts navigator |
| Wylie |
266a1 ཉིད་རང་སྣང་ནམ་མཁའ་ལ།། རིག་པའི་ཡེ་ཤེས་མ་ཡེངས་པར།། འཛིན་མེད་ངང་དུ་བཞག་གྱུར་ན།། ཡེ་ཤེས་རང་སྣང་མཐོང་བའི་ལམ་ལ་ཤེས་ཤིང་རིག། མ་འགག་འཁྲུལ་པའི་ཆོས་ལས་ལོག
266a2 པའོ།། བསལ་མེད་ཆོས་སྐུ་སྤྲོས་བྲལ་ནི།། སངས་རྒྱས་ཡེ་ཤེས་ལུས་ཉིད་ལས།། རྟོག་མེད་སངས་རྒྱས་ངོ་བོ་གསལ།། འཛིན་མེད་རང་དག་ཆེན་པོ་ལ།། རྡོ་རྗེ་སེམས་དཔའི་རིག་པ་གསལ།། གསལ་དང་སྟོང་པའི
266a3 ཡེ་ཤེས་ལ།། མཚན་མ་མེད་པའི་ཆོས་ཉིད་གསལ།། ཞེ་འདོད་མེད་པའི་བསྒོམ་པ་ལ།། བཏང་གཞག་མེད་པའི་ཏིང་འཛིན་གསལ།། སྤང་ཐོབ་མེད་པའི་བལྟ་བ་ལ།། རྟོག་པ་མེད་པའི་མཐོང་བ་གསལ།། བཅོས་པ
266a4 མེད་པའི་སྤྱོད་པ་ལ།། བྱས་པ་མེད་པའི་བྱུང་བ་གསལ།། བསམ་དང་བྲལ་བའི་ཆོས་སྐུ་ལ།། འགག་པའི་མེད་པའི་ལོངས་སྐུ་གསལ།། མཚན་མ་མེད་པའི་ཆོས་ཉིད་ལ།། ཐམས་ཅད་འདྲེན་པའི་སྦྲུལ་སྐུ
266a5 གསལ།། ཕྱིར་མི་ལྡོག་པའི་སྐུ་གསུམ་ལ།། གཟུང་འཛིན་མེད་པའི་རིག་པ་གསལ།། ཡང་དག་སངས་རྒྱས་ལམ་རྒྱལ་ལ།། སྦྱང་དུ་མེད་པའི་དཀྱིལ་འཁོར་གསལ།། སྐྱེ་བ་མེད་པའི་ཡིག་འབྲུ་ལ།། འདུལ་བྲལ་མེད
266a6 པའི་ལྷ་ཚོགས་གསལ།། ནུབ་པ་མེད་པའི་རྒྱལ་མཚན་ལ།། འགྱུར་བ་མེད་པའི་སྒྲོན་མ་གསལ།། རྟོག་པ་མེད་པའི་ཡེ་ཤེས་ལ།། གསལ་འགྲིབ་མེད་པའི་འོད་ལྔ་གསལ།། བསྟན་དུ་མེད་པའི་ལུང་ཆེན་ལ།། ཤེས་སུ
iiif viewer powered by OpenSeadragon
