| e-texts navigator |
| Wylie |
265b1 སེམས་ཉིད་ཅི་ལྟར་བྱུང་།། མོས་པས་སྤྱོད་པའི་འཁོར་རྣམས་ལ།། མ་ནོར་ལེགས་པར་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད
265b2 ལ་ཟུང་།། མཐོང་བར་གྱིས་ལ་གོ་བར་གྱིས།། ཤེས་པར་གྱིས་ལ་རྟོགས་པར་གྱིས།། སངས་རྒྱས་འཛིན་མེད་རང་གྲོལ་ལ།། རྣམ་རྟོག་མཚན་མ་ངང་གིས་མེད།། བསམ་མེད་ཆོས་སྐུའི་ངོ་བོ་སྟོང་།། རྟོག་མེད་གསལ
265b3 བའི་ཆོས་ཉིད་དོ།། རྡོ་རྗེ་སེམས་དཔའི་རིག་པ་ཉིད།། རྐང་མེད་མཁའ་ལ་ཀུན་ཏུ་རྒྱུག། རིག་པའི་ཡེ་ཤེས་ཆེན་པོ་ནི།། གྲོགས་མེད་གཅིག་པུར་ཡང་དག་བདེ།། རིག་པའི་ཡེ་ཤེས་རྟོག་མེད་ནི།། བལྟར་མེད་སྐུ་ལ
265b4 ཡང་དག་བལྟ།། བརྗོད་མེད་རང་གི་རིག་པ་ནི།། དཔེར་ན་གར་སྦྱིན་སྣོད་དང་འདྲ།། མ་རིག་སྦུར་མ་ལྟ་བུ་སྟེ།། དེ་ཡི་རྩི་ལ་ཆགས་པ་བཞིན།། རིག་པ་ཡེ་ཤེས་སྐྱེ་མེད་པ།། མ་རིག་འཕྲལ་དུ་ཆགས་པའོ།། དེ་ནས
265b5 ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། གང་གི་ཐབས་ཀྱི་གྲོལ་བ་རྣམས།། མོས་པའི་འཁོར་ལ་གསུང་དུ་གསོལ།། ཞེས
265b6 ཞུས་སོ།། དེ་ནས་ཡང་བཀའ་སྩལ་པ།། སངས་རྒྱས་ཀུན་གྱི་ཡེ་ཤེས་ནི།། གང་གི་ཕྱོགས་སུ་མ་ལྷུང་བའོ།། དཔེར་ན་སྦུར་དང་སྦྱིན་སྣོད་ལ།། ཆུ་ཡིས་གཉིས་ཀ་སེལ་བ་ལྟར།། རིག་དང་མ་རིག་རྟོག་པ་ཡང་།། ཆོས
iiif viewer powered by OpenSeadragon
