| e-texts navigator |
| Wylie |
264b1 རྟོག་པ་མེད་པས་རང་སངས། འགྱུ་བ་མེད་པས་རང་དག། གསལ་བ་མེད་པའི་འཚེར་བ། བསྒོམ་དུ་མེད་པའི་ཆོས་ཉིད། གཟུང་དུ་མེད་པའི་ཡངས་པ། སངས་རྒྱས་མེད་པའི་སེམས་ཅན་ནོ།། དེ་ནི་ཕྱོགས་སུ་མ་ལྷུང
264b2 བཔབ་ཉི་ཟླའི་སྐུ་ཞེས་བྱའོ།། ཐ་མི་དད་པ་གཅིག་ཤེས་ཀྱི་སྐུ་ནི། སྒྲོན་མ་མཁའ་ཁྱབ། ཡེ་ཤེས་དབྱིངས་ཁྱབ། ཤེས་རབ་ཡུལ་ཁྱབ། ཐབས་ཀྱིས་ལམ་ཁྱབ། དབང་པོས་སེམས་ཁྱབ་བོ། དེ་ནི་ཐ་མི་དད་པ་སྒྲོན་མའི
264b3 སྐུའོ།། ཞེན་མེད་རང་གྲོལ་གྱི་སྐུ་ནི། སྣང་བ་ལ་མི་ཞེ་ན། མེད་པ་མི་བསྒྲུབ། ཡོད་པ་མི་སྤང་། མེད་པ་ལ་ཞེ་འདོད་མི་བྱེད། ཡོད་པ་ལ་མངོན་པར་མི་ཞེ་ན། བྱས་པ་མི་བསྒྲུབ། བྱུང་བ་མི་འགེག་བྱུང་བ་ལ་སྐྱོན་དུ་མི
264b4 བལྟ།། ཉོན་མོངས་པ་མི་སྤང་། སངས་རྒྱས་མི་བསྒྲུབ། བསྒོམ་པ་མི་བསྒོམ། ལྟ་བ་མི་བལྟ། འཁྲུལ་སྣང་མི་འགེག་དག་སྣང་མི་འཚོལ། སེམས་ལ་སངས་རྒྱས་མི་རེ། རིག་པ་ལ་སེམས་ཅན་མི་དོགས། ཀུན་གཞི་ལ
264b5 ཆོས་སྐུ་མི་རེ། སྒྲོན་མ་བཞི་ལས་གཟུགས་སྐུར་མི་ལྡོག་ལམ་ལ་སྦྱང་དུ་མེད། འབྲས་བུ་ཐོབ་ཏུ་མེད། གཞི་ལ་བཟང་ངན་མེད། རྟོགས་པ་དང་མ་རྟོགས་པ་གཉིས་སུ་མེད། དེ་ནི་ཞེན་མེད་རང་གྲོལ་གྱི་སྐུའོ།། སངས
264b6 རྒྱས་ཐམས་ཅད་ཀྱི་དགོངས་པ་ཚད་མར་བཞག་པའོ།། སྐུ་མི་འགྱུར་བ་ལས་ཡེ་ཤེས་འགག་པ་མེད་པ་འབྱུང་ངོ་།། དེ་ཡང་འདི་ལྟ་སྟེ། སྐུ་ལ་དབྱིངས་ཡོད་པའི་ཕྱིར།། ཆོས་ཀྱི་དབྱིངས་ཀྱི་ཡེ་ཤེས་དང་།། དབྱིངས་ལ
iiif viewer powered by OpenSeadragon
