| e-texts navigator |
| Wylie |
259b1 པ་རང་ཤར་ཆེན་པོའི་རྒྱུད་ལས། རྟགས་ཚད་བསྟན་པའི་ལེའུ་སྟེ་དྲུག་ཅུའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། སྟོན་པ་ཆེན་པོ་སེམས་ཞེས་བགྱི་བ་ཅི་ལ་བགྱི། སྟོན
259b2 པས་ལུང་བསྟན་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། དེ་ཡང་དབྱེ་ན་འདི་ལྟ་སྟེ། སྣ་ཚོགས་སྡུད་པ་ལྟ་བུའི་སེམས་དང་། གཙང་སྨེ་མེད་པ་ཕག་ལྟ་བུའི་སེམས་དང་། དཔའ་བརྟུལ་སྟག་ལྟ་བུའི
259b3 སེམས་དང་། ཡང་བ་སྒོ་ལྟ་བུའི་སེམས་དང་།། བསྐྱོད་པ་རླུང་ལྟ་བུའི་སེམས་དང་། རབ་ཏུ་མྱོས་པ་འདམ་རྫབ་ལྟ་བུའི་སེམས་དང་། མཆེད་པ་མེ་སྟག་ལྟ་བུའི་སེམས་དང་། འདོད་པ་བྱ་ལྟ་བུའི་སེམས་དང་།། རྒྱས་པ
259b4 ཡལ་ག་ལྟ་བུའི་སེམས་དང་། གོགས་པར་དཀའ་བ་གར་སྤྲིན་ལྟ་བུའི་སེམས་དང་།། གཟའ་གཏད་མེད་པ་སྨྱོན་པ་ལྟ་བུའི་སེམས་དང་བཅུ་གཅིག་གོ། དེ་ནས་ཡང་རབ་ཏུ་བཤད་པ་འདི་ལྟ་སྟེ། སེམས་ནི་བག
259b5 ཆགས་ཐམས་ཅད་སྡུད་པའོ།། སེམས་ནི་བག་ཆགས་ཐམས་ཅད་སློང་བའོ།། སེམས་ནི་ཉོན་མོངས་པ་ཐམས་ཅད་གསོགས་པའོ།། སེམས་ནི་བག་ཆགས་ཐམས་ཅད་ཀྱི་གཞི་ཡིན་ཏེ། བག་ཆགས་དེ་ཡང་འགོག་པར
259b6 དཀའ་བས་རང་གི་སྣང་བ་འགྲིབ་པར་བྱེད། མ་རིག་པ་དང་མཉམ་དུ་གནས་པས། མ་རིག་པ་ཡང་འདི་ལྟ་སྟེ། རྩ་བ་སེམས་ཀྱི་མ་རིག་པ་དང་། འཁྲུལ་པ་ཡུལ་གྱི་མ་རིག་པ་དང་། འཁྲུལ་གཞི་གཞིའི
iiif viewer powered by OpenSeadragon
