| e-texts navigator |
| Wylie |
258b1 ཁམས་ཐམས་ཅད་འཁྲུགས་སོ།། རབ་ཏུ་གཡོས་སོ།། འུར་འུར་རབ་ཏུ་འུར་འུར་ཀུན་ཏུ་འུར་འུར་རོ།། ཆེམ་ཆེམ་རབ་ཏུ་ཆེམ་ཆེམ། ཀུན་ཏུ་རབ་ཏུ་འཁྲུགས་སོ།། ཕྱོགས་ཐམས་ཅད་འཁྲུགས་སོ།། དེ་ཡང་ཤར
258b2 ཕྱོགས་མཐོ་ན་ནུབ་ཕྱོགས་དམའོ།། ནུབ་ཕྱོགས་མཐོ་ན་ཤར་ཕྱོགས་དམའ་བར་གྱུར་ཏོ།། ལྷོ་ཕྱོགས་མཐོ་ན་བྱང་ཕྱོགས་དམའོ།། བྱང་ཕྱོགས་མཐོ་ན་ལྷོ་ཕྱོགས་དམའོ།། དབུས་མཐོ་ན་མཐའ་དམའོ།། མཐའ་མཐོ་ན
258b3 དབུས་དམའོ།། དེ་ལྟ་བུའི་ཆོ་འཕྲུལ་ཆེན་པོ་བསྟན་ཏོ།། འཇིག་རྟེན་གྱི་ཁམས་ཀྱི་མཁའ་འགྲོ་མ་ཐམས་ཅད་བརྒྱ་ལ་སངས་ནས་ངོ་མཚར་ཆེན་པོ་སྐྱེས་ནས། ཨེ་མ་ཧོ།། དོན་དང་མཐུན་ནོ།། དག་པས་དག་པ་ཉིད
258b4 བཀྲུའོ།། ཡང་དག་པ་ཉིད་ཐོབ་པོ།། སྐྱེ་གནས་ཐམས་ཅད་རྒྱུན་བཅད་དོ།། འགྲོ་བ་དེ་རྣམས་ཐམས་ཅད་ཀྱང་མི་སྐྱེ་བའི་ཆོས་ལ་བཟོད་པ་ཐོབ་བོ།། ཆོ་འཕྲུལ་གྱི་སྤྲུལ་པ་གྲངས་མེད་པ་འགྱེད་པའོ།། ཞེས་རིག་པ
258b5 རང་ཤར་ཆེན་པོའི་རྒྱུད་ལས། སྤྲུལ་པ་མཛད་པའི་ལེའུ་སྟེང་དགུའོ།། ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྲུལ་པ་དེ་ལྟར་མཛད་པ
258b6 ན།། དོན་དམ་དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་འདུས་པ་ཆེན་པོ་ཉོན། ངས་ལེགས་པར་བསྟན་གྱིས་མ་ཡེངས་པར་ཟུང་ཞིག་རྟོགས་དང་མ་རྟོགས་ཁྱད་པར
iiif viewer powered by OpenSeadragon
