| e-texts navigator |
| Wylie |
257b1 བཅོམ་ལྡན་འདས་དགོངས་པ་རང་གྲོལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི་བདག་པོ་ཕྱག་ན་རྡོ་རྗེས་བསྐོར་བ་ལན་གསུམ་བྱས་ནས། འདི་སྐད་ཅེས་གསོལ་ཏོ།། ཀྱེ་ཀྱེ་ཐུགས་རྗེ
257b2 ཆེན་པོ་དང་ལྡན་པ། ཏིང་ངེ་མཛིན་ལས་བཞེངས་ཤིག། སེམས་ཅན་གྱི་རྟོག་པ་སོལ་ཅིག་མ་རིག་པའི་མིག་སེལ་བར་མཛོད་ཅིག་མཐོང་བའི་ཡུལ་མ་འགགས་པར་སྣང་བ་སྟོན་ཅིག་སྒྲ་དང་རྟོག་པ་ཐམས་ཅད་སོལ
257b3 ཅིག་ཅེས་ཞུས་པས། སྟོན་པ་ཏིང་ངེ་འཛིན་ལས་བཞེངས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱིས་ཁེངས་པར་མཛད་དོ།། དེ་ཡང་འདི་ལྟ་སྟེ། བྱེ་བ་ཁྲག་ཁྲིག་བསམ་གྱིས་མི
257b4 ཁྱབ་པ་དང་། སྒྲ་ཆེན་པོས་འཇིག་རྟེན་གྱི་ཁམས་བྲེད་པ་དང་། སྔངས་པ་དང་། སྐྲག་པ་དང་འཇིགས་ཤིང་བརྒྱལ་པའོ།། དེ་ནས་བཅོམ་ལྡན་འདས་ཏིང་ངེ་འཛིན་ལས་བཞེངས་ནས། སྤྲུལ་པ་མང་པོ་འགྱེད
257b5 དོ།། བཅོམ་ལྡན་འདས་དེའི་ཐུགས་དཔལ་གྱི་བེའུ་ནས། བཅོམ་ལྡན་འདས་མི་ཕམ་མགོན་པོ་ཞེས་བྱ་བར་སྤྲུལ་ལོ།། དེ་བཞིན་གཤེགས་པ་དེས་ཀྱང་འགྲོ་བའི་མ་རིག་པ་སེལ་ལོ།། དེས་ནི་ཤར་ཕྱོགས་ཀྱི་འཇིག
257b6 རྟེན་གྱི་ཁམས་ཀྱི་བྱང་ཆུབ་སེམས་དཔའི་རྟོག་པ་བསལ་ལོ།། ཤངས་ནས་དེ་བཞིན་གཤེགས་པ་རྣམ་པར་གཟིགས་ཞེས་བྱ་བར་སྤྲུལ་ནས་ལྷོ་ཕྱོགས་ཀྱི་འཇིག་རྟེན་ཁམས་ཀྱི་བྱང་ཆུབ་སེམས་དཔའི་རྟོག་པ་བསལ
iiif viewer powered by OpenSeadragon
