| e-texts navigator |
| Wylie |
257a1 འཇུག་པའི་ཕྱིར།། ཡེ་ཤེས་འོད་ལ་ཐིམ་པའི་དཔེ་ནི། ནམ་མཁའ་དང་འཇའ་ཚོན་ལྟ་བུའོ།། དངོས་པོ་མེད་པའི་ཕྱིར། ཡེ་ཤེས་དབྱིངས་སུ་ཐིམ་པའི་དཔེ་ནི། རྒྱ་མཚོ་ལ་ཆུ་ཕྲན་འདུས་པ་ལྷ
257a2 བུའོ།། གཉིས་མེད་གཅིག་ཏུ་འདྲེས་པའི་ཕྱིར།། རིག་པ་ཕྱིར་མི་ལྡོག་པའི་དཔེ་ནི། དཔག་ཆེན་གྱི་མདའ་ལྟ་བུའོ།། ཐོགས་པ་མེད་པའི་ཕྱིར། དེ་ནས་གསང་བའི་བདག་པོ་ཉིད་ཀྱིས་རྟོགས་པ་རྙེད་དོ།། འཁོར་རྣམས
257a3 ཀྱིས་ཀྱང་བདེན་པ་མཐོང་ངོ་།། དེ་ནས་ཡང་བདེན་པ་མཐོང་བ་དེ་ལ་ཡང་འདི་སྐད་ཅེས་གསོལ་ཏོ།། ཨེ་མ་ཧོ། བདེན་པ་མཐོང་བའི་རིག་ཆེན་ལ།། དེ་ལ་འོད་ཀྱི་ཚོགས་འདུས་པས།། ཕྱོགས་མེད་མཚམས་མེད
257a4 སྟེང་འོག་མེད།། སྣང་བ་ཐམས་ཅད་འོད་དུ་ཤར།། འོད་ལ་སྐུ་ཡི་ངོ་བོས་བརྒྱན།། སྐུ་ནི་སྟོང་པའི་ཚིག་ལས་འདས།། འགག་མེད་སྐྱེ་བ་མེད་པའི་སྐུ།། ཀུན་གྱིས་མཐོང་བར་དཀའ་བའི་དོན།། རབ་ཏུ་གསང་བའི
257a5 ནོར་བུ་འདི།། ཐུགས་ཀྱི་དོན་ལས་མི་འདའོ།། དེ་ནི་བདེན་པ་མཐོང་བའི་ལུགས།། གསང་སྔགས་ཀུན་གྱི་དགོངས་པ་ནི།། སངས་རྒྱས་ཀུན་གི་མེས་པོ་ཉིད། རིག་པ་ཆོས་སྐུ་ཆེན་པོར་འདོད།། རིག་དང་ས་དང་ལྟ།
257a6 དང་བྲལ།། ཡེ་ཤེས་ཀྱིས་ནི་ས་ལམ་བགྲོད།། ཡང་དག་མཐར་ཕྱིར་གྲོལ་བའོ།། ཞེས་པ་རིག་པ་རང་ཤར་ཆེན་པོའི་རྒྱུད་ལས། དཔེའི་ངོ་སྤྲོད་བསྟན་པའི་ལེའུ་སྟེ་ང་བརྒྱད་པའོ།། །། དེ་ནས་ཡང
iiif viewer powered by OpenSeadragon
