| e-texts navigator |
| Wylie |
254b1 ལ།། འཛིན་ཆགས་བྱུང་བ་འཁྲུལ་པའི་སེམས།། དེ་ལ་སོགས་པའི་ཉོན་མོངས་རྣམས།། གཅིག་གིས་གཅིག་བཅིང་གྲོལ་བ་མེད། ཨེ་མ་ཧོ།། སྣང་བ་ཆེན་པོ་གསལ་བ་ཆེ།། དག་པའི་ནམ་མཁའ་མཐའ་དང
254b2 བྲལ།། སྤྲོས་བྲལ་ཆོས་ཉིད་འགྱུར་བ་མེད།། མཐའ་དང་དབུས་མེད་ཕྱོགས་ཆ་ཀུན་དང་བྲལ།། རང་སྣང་ཆོས་དབྱིངས་རྣམ་དག་ཅིང་།། དང་པོའི་སངས་རྒྱས་རྒྱུ་མེད་པར།། ཐ་མ་རྐྱེན་གྱིས་བསྐྱེད་དུ་མེད།། སྟོང་པ
254b3 ཡེ་ཤེས་སྙིང་པོ་ཅན།། མཐའ་ལ་མི་གནས་རྡོ་རྗེའི་སྐུ།། སྤྲོས་དང་བྲལ་བའི་ཆོས་ཉིད་ལ།། ངོ་བོ་རང་བཞིན་ཐུགས་རྗེའི་བདག། ཡེ་ཤེས་སྐུ་གསུམ་འོད་དུ་གསལ།། མཁའ་ལ་ཉི་ཤར་མུན་པ་སེལ།། ཡེ་ཤེས་ལྔ་ཡི
254b4 མཚན་ཉིད་གསལ།། སངས་རྒྱས་སྤྲུལ་པ་རབ་འབྱམས་འབྱུང་།། སངས་རྒྱས་ཀུན་གྱི་སྐུ་མཆོག་ནི།། མཆོག་དང་ཐུན་མོང་དངོས་གྲུབ་རྣམས།། རང་ལས་བྱུང་ཞིང་རང་གིས་སྤྲུལ།། དཔེར་ན་ཉི་ཟླའི་དཀྱིལ་འཁོར
254b5 ལྟར།། གསལ་དང་དྲོ་དང་བསིལ་བ་དང་།། ཡང་ཞིང་གཡོ་བའི་བདག་ཉིད་འཛིན།། ཆོས་ཉིད་དཀྱིལ་འཁོར་ཆེན་པོ་ལ།། གཅིག་དང་གཉིས་ཀྱི་རྟོག་པ་མེད།། དཔེར་ན་ཉི་མའི་དཀྱིལ་འཁོར་ལྟར།། སྟོང་གསུམ
254b6 ཁྱབ་ཅིང་འོད་ཀྱིས་འཇིག་རྟེན་ཁེངས།། དེ་བཞིན་ཤེས་རབ་དཀྱིལ་འཁོར་ཉིད།། འགྲོ་བ་ཀུན་ལ་ཁྱབ་ཅིང་ཡེ་ཤེས་སྙིང་པོ་གྲོགས།། དཔེར་ན་ཟླ་བའི་དཀྱིལ་འཁོར་ནི།། གསལ་དང་བསིལ་བའི་བདག་ཉིད་འཛིན
iiif viewer powered by OpenSeadragon
