| e-texts navigator |
| Wylie |
254a1 ལས་འདས།། ཁ་དོག་མེད་ཅིང་དབྱིབས་མེད་པའོ།། དཔེ་མཚོན་བསྟན་དུ་མེད་པ་ལ།། གཟུང་བའི་ཆོས་དང་བྲལ་བའོ།། སངས་རྒྱས་མེད་ལ་སེམས་ཅན་མེད།། སྲོག་མེད་གཅོད་པ་ག་ལ
254a2 ཡོད།། འཛིན་མེད་ཆགས་པ་མེད་པའོ།། དཔེར་ན་རྒྱ་མཚོ་ཆེན་པོ་ལ།། ཆུ་ཕྲན་ཐམས་ཅད་འདུ་བ་ལྟར།། དག་པ་ཆེན་པོའི་ཀློང་དཀྱིལ་དུ།། སྣ་ཚོགས་སྐུ་ཡི་དཀྱིལ་འཁོར་དུ།། ཐམས་ཅད་འདུ་ཞིང་འཕྲོ་བའོ།། ཆོས
254a3 སྐུ་བསམ་པ་ཀུན་ལས་འདས།། ལོངས་སྐུ་བརྗོད་པ་ཀུན་ལས་འདས།། སྦྲུལ་སྐུ་སེམས་དང་ཡིད་ལས་འདས།། སངས་རྒྱས་ཀུན་གྱི་ཡེ་ཤེས་སྐུ།། བརྗོད་པའི་ཚིག་ལས་འདས་པའོ།། ཞེས་རིག་པ་རང་ཤར་ཆེན་པོའི
254a4 རྒྱུད་ལས། རྒྱ་མཚོ་ཀློང་རྡོལ་བར་བསྟན་པའི་ལེའུ་སྟེ་ང་ལྔ་པའོ།། སྭཿདྲཿཏ། ཙགཿ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་བཅོམ་ལྡན་འདས།། སངས་རྒྱས་དགོངས་པའི་ཚད
254a5 གསུངས་ཤིག་ཅེས་ཞུས་སོ།། དེ་ནས་ཡང་བཀའ་སྩལ་པ།། ཨེ་མ་གསང་བདག་རྡོ་རྗེ་འཛིན།། ཆོས་ཀྱི་རང་བཞིན་མེད་རྟོགས་ལ།། རྟོག་པའི་བསམ་པ་ངོ་མཚར་ཆེ།། འཛིན་པ་མེད་པའི་བདེ་ཆེན་ལ།། འཛིན
254a6 ཆགས་བྱུང་བ་འཁྲུལ་པའི་སེམས།། སྐྱེ་མེད་དག་པའི་ངོ་བོ་ལ།། འཆི་བ་བྱུང་བ་འཁྲུལ་པའི་སེམས།། གཟུང་འཛིན་བྲལ་བའི་ཆོས་སྐུ་ལ།། བསམ་བྱ་བྱུང་བ་འཁྲུལ་པའི་སེམས།། འཛིན་མེད་རང་དག་སྤྱོད་པ
iiif viewer powered by OpenSeadragon
