| e-texts navigator |
| Wylie |
253b1 ནི།། མཁའ་མཉམ་སྟོང་པའི་ངང་དུ་བཅིངས།། ཡེ་ཤེས་ཀུན་གྱི་སྤྱི་བོ་ནི།། སྟོང་གསལ་ཆེན་པོའི་ཐིག་ལེས་བཅིངས།། ཅི་ལ་མི་གནས་ཆོས་ཀྱི་སྐུ་ཡིས་སྤྱི།། བསམ་དང་བྲལ་བའི་ངང་དུ་བཅིངས།། སྤྱི་བཅིངས་ཚིག
253b2 གིས་དོན་བཙལ་བས།། དོན་རྙེད་ཚིག་དང་དོན་དུ་འབྲེལ།། དོན་ནི་སྐྱེ་མེད་རང་གསལ་རྙེད།། དེ་ལ་གཉེན་པོས་གཞིག་ཏུ་མེད།། དེ་ལ་ཕྱོགས་དང་རིས་སུ་མེད།། ང་དང་བདག་ཏུ་འཛིན་དུ་མེད།། བཟང་དང་ངན
253b3 པའི་རྣམ་རྟོག་མེད།། ཡིན་དང་མིན་པའི་མཐའ་ལས་འདས།། རྟོགས་དང་མ་རྟོགས་ཆོས་ལས་འདས།། རྟག་དང་ཆད་པ་གཉིས་ལས་འདས།། གོལ་དང་སྒྲིབ་པའི་ཕྱོགས་དང་བྲལ།། རྟོགས་དང་མ་རྟོགས་གཉིས་སུ
253b4 མེད།། དག་དང་མ་དག་མཐའ་ལས་འདས།། སེམས་དང་ཡིད་དང་ཆོས་ལས་འདས།། ཤེས་དང་མ་ཤེས་གཉིས་སུ་མེད།། མ་རིག་འཁྲུལ་པའི་སེམས་ལས་འདས།། སྒྲ་དང་ཐ་སྙད་ཚིག་དང་བྲལ།། གཟུང་འཛིན
253b5 སེམས་ཀྱི་དྲི་མ་མེད།། རྟོག་པའི་ལམ་གྱི་དྲི་མ་བསལ།། བསམ་པ་སྣ་ཚོགས་བྱས་པ་མེད།། དངོས་པོར་འཛིན་པའི་ཆོས་དང་བྲལ།། ས་དང་ལམ་ལ་སྦྱང་དུ་མེད།། ལྷ་ལ་མཆོད་པ་ཕུལ་མི་དགོས།། དགེ་བ་བཅུ་ཡིས
253b6 བསྐྱབ་ཏུ་མིན།། སྡིག་པས་དེ་ལ་གོས་མི་འགྱུར།། འཁོར་བ་ངན་སོང་ག་ལ་ཡོད།། མྱ་ངན་འདས་པའི་ཆོས་མེད་ཅིང་།། བདག་དང་གཞན་དུ་བལྟ་བ་མེད།། ལོག་དང་མ་ལོག་ག་ལ་ཡོད།། ཡོད་དང་མེད་པའི་མཐའ
iiif viewer powered by OpenSeadragon
