| e-texts navigator |
| Wylie |
253a1 \ུ0f7fཐཱ། ཋ་ཐཱཿ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྒྲ།། བདག་ཅག་མོས་པའི་འཁོར་རྣམས་ལ།། ཐབས་ཀྱི་གྲོལ་ལུགས་གསུང་དུ་གསོལ།
253a2 ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ཡིད་ལ་བཟུང་བར་གྱིས།། སངས་རྒྱས་དགོངས་པ་རང་བྱུང་འདི།། ལྟ་བ་རིག་པའི་རྟ་ཕོ་ལྟ་བ་ལ།། མིག་གི་དབང་པོས་མ
253a3 ཡེངས་པར།། འཛིན་པའི་རྟོག་པ་མ་ཞུགས་པས།། རང་གི་ལྟ་བ་མཐོང་བ་ཡིན།། ལྷ་དང་མི་བལྟ་ཆོས་ཡིན་ཏེ།། ཆོས་ལ་གནས་པར་མི་བྱ་དེ་ལ་ལྟོས།། དུས་གསུམ་སངས་རྒྱས་དགོངས་པ་འདི།། ནམ་མཁའ་སྟོང
253a4 བའི་ངང་དུ་འདུས།། སེམས་ཅན་ཀུན་གྱི་འབྲས་བུ་ནི།། བཏྲྀ་གུ་ཏ་ཡི་ནང་དུ་འདུས།། བདེ་བ་ཟག་མེད་ཐིག་ལེ་ནི།། རང་གི་སྙིང་གི་དཀྱིལ་ན་གནས།། འདུས་པ་ཆེན་པོའི་སྣང་བ་ནི།། དག་པ་ཡུལ་གྱི་མཁའ་ལ
253a5 རྫོགས།། སངས་རྒྱས་འདུས་པའི་ལམ་ཉིད་ནི།། ཆོས་སྐུ་རང་གི་ཡུལ་གྱི་ནང་དུ་འདུས།། རྒྱ་མཚོ་ཆེན་པོའི་སྤྱི་བོ་ཉིད།། སྣ་ཚོགས་ཆེན་པོའི་མཚོ་ཡིས་བཅིངས།། འཛིན་མེད་རང་སངས་ལྟ་བ་ཉིད།། རྣམ་དག་ནམ
253a6 མཁའི་རྒྱལ་པོས་བཅིངས།། གསང་སྔགས་གཏན་ཚིགས་ཆེན་པོ་ནི།། རྒྱུད་ཆེན་རྒྱལ་པོ་འདི་ཡིས་བཅིངས།། འོད་རྣམས་ཀུན་གྱི་སྤྱི་བོ་ནི།། མཐིང་ག་སྣ་ཚོགས་བསྐྱེད་པས་བཅིངས།། རིག་པ་ཀུན་གྱི་སྤྱི་བོ
iiif viewer powered by OpenSeadragon
