| e-texts navigator |
| Wylie |
251b1 ནས། འདི་སྐད་ཅེས་བཀའ་སྩལ་ཏོ།། དྷརྨ། ཀ་ཡཱ། རཏྣ། ཨ་མ་ལ། དེ་སྐད་ཅེས་བརྗོད་ནས་ཏིང་ངེ་འཛིན་ལས་བཞེངས་པས།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱི་སྣང་བས
251b2 ཁེངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་ཆོས་སྐུའི་བདག། བདག་ཅག་མོས་པའི་འཁོར་རྣམས་ལ།། རྫོགས་ཆེན་རྩེ་མོ་གསུང་དུ་གསོལ།། ཞེས་ཞུས་སོ།། དེ་ནས
251b3 ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན་ཅིག། ངས་བསྟན་ལེགས་པར་ཡིད་ལ་ཟུང་།། རྡོ་རྗེ་རྫོགས་པའི་རྩེ་མོ་ནི།། རིག་པ་སྐྱེ་མེད་ངང་ལ་འབྲས་བུ་བྱར་མེད་རྫོགས།། རིག་པ་འགྱུར་མེད་ངང་ལ་འབྲས
251b4 བུ་རྟོག་མེད་རྫོགས།། རིག་པ་དྲི་མེད་ངང་ལ་འབྲས་བུ་རྣམ་དག་རྫོགས།། རིག་པ་སྣ་ཚོགས་ངང་ལ་འབྲས་བུ་ཉག་གཅིག་རྫོགས།། རིག་པ་འགག་མེད་ངང་ལ་འབྲས་བུ་འགྱུར་མེད་རྫོགས།། རིག་པ་སྐྱེ་མེད་ངང་ལ
251b5 འབྲས་བུ་འཆི་མེད་རྫོགས།། རིག་པ་སྟོང་པའི་ངངལ་འབྲས་བུ་གསལ་བ་རྫོགས།། རིག་པ་རྟོག་མེད་དང་ལ་འབྲས་བུ་འཛིན་མེད་རྫོགས།། རིག་པ་རང་གྲོལ་དང་ལ་འབྲས་བུ་རང་སངས་རྫོགས།། རིག་པ་ཞེན
251b6 མེད་ངང་ལ་འབྲས་བུ་ཆགས་མེད་རྫོགས།། རིག་པ་བདེ་བའི་ངང་ལ་འབྲས་བུ་དགའ་བ་རྫོགས།། རིག་པ་སྐུ་ཡི་ངང་ལ་འབྲས་བུ་འོད་ཉིད་རྫོགས།། རིག་པ་དངོས་མེད་ངང་ལ་འབྲས་བུ་སྐུ་ལྔ་རྫོགས།། རིག་པ་ཀུན
iiif viewer powered by OpenSeadragon
