| e-texts navigator |
| Wylie |
251a1 དག་ཆོས་ཉིད་རྫོགས་པ་ལ།། ཐོགས་པ་མེད་པར་ཕྱིན་པ་སྟེ།། དྲག་པོའི་ཆོས་ཉིད་ཡིན་པར་གསུངས།། ཕྲིན་ལས་ཆོས་ཉིད་ཐམས་ཅད་ཀྱང་།། རང་ལས་བྱུང་ཞིང་རང་ལ་ལྟོས།། དེ་ལ་སོགས་པའི
251a2 ཆོས་ཉིད་རྣམས།། རང་གི་བལྟ་བར་མཐོང་བར་བྱ།། སངས་རྒྱས་ཀུན་གྱི་ཡེ་ཤེས་འགག་པ་མེད།། རང་གི་ཡུལ་ནི་དག་པ་ཆེན་པོ་ལ།། མཚན་མ་ལྟོས་པའི་ཆོས་ཀྱི་དབང་དུ་མི་འགྱུར་བའི།། རིག་པ་ནམ་མཁའི་ངང
251a3 དུ་ཤེས་པར་བྱའོ།། མཚན་མའི་དབང་དུ་གྱུར་ན་ཡེ་ཤེས་མཐོང་དུ་མེད།། སྔགས་ཀྱི་ཕྲིན་ལས་ཆོས་ཀྱི་སྐུ།། སངས་རྒྱས་དགོངས་པ་རང་གི་དེ་ཉིད་དོ།། རྫོགས་དང་མ་རྫོགས་ང་ཡི་ཆོ་འཕྲུལ་ཡིན།། ང་ཉིད་རིག་པའི
251a4 ཀློསློང་དུ་སངས་རྒྱས་ཡིན།། ཀློང་དུ་འདས་དང་མ་འདས་ཐམས་ཅད་ཚིག་གི་ལམ།། རང་ལ་ཡེ་ཤེས་འཆར་བ་ནི།། དཔེར་ན་ནམ་མཁར་ཉི་ཤར་བཞིན།། ཐམས་ཅད་ལམ་ཉིད་རང་ལ་ཤར་བའོ།། ཞེས་རིག་པ་རང
251a5 ཤར་ཆེན་པོའི་རྒྱུད་ལས། ཕྲིན་ལས་གསང་བའི་ལེའུ་སྟེང་གསུམ་པའོ།། ཋཐཱཿ་#།། དེ་ནས་བཅོམ་ལྡན་འདས་ཆོས་ཉིད་ཟབ་མོའི་ཀློང་དུ་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི
251a6 བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཆེན་པོ་ཆོས་ཀྱི་སྐུ།། ཕྲིན་ལས་དོན་ཉིད་དེ་ལྟར་ན།། ཏིང་ངེ་འཛིན་ལས་རབ་ཏུ་བཞེངས།། ཞེས་ཞུས་སོ།། དེ་ནས་སྟོན་པ་ཆེན་པོ་ཏིང་ངེ་འཛིན་ལས་བཞེངས
iiif viewer powered by OpenSeadragon
