| e-texts navigator |
| Wylie |
250b1 ཡེ་ཤེས་ནི།། བྱ་བ་ཐམས་ཅད་བྱེད་པ་ཡིན།། ཕྲིན་ལས་ཀུན་གྱི་དཀྱིལ་འཁོར་ནི།། མ་བཙལ་རང་ལ་ཡོད་པའོ།། ཕྲིན་ལས་ཀུན་གྱི་ཕྱག་རྒྱ་ནི།། མ་བསྐུར་གཞི་ལ་རྫོགས་པའོ།། ཕྲིན་ལས་ཀུན་གྱི་ལྷ་ཚོགས
250b2 ནི།། རང་གི་ལུས་ལ་རྫོགས་པའོ།། ཕྲིན་ལས་ཀུན་གྱི་སྙིང་པོ་ནི།། སྒྲོན་མའི་ཡེ་ཤེས་ཆེན་པོར་གསུངས།། ཕྲིན་ནི་སངས་རྒྱས་ཉིད་ལ་བརྗོད།། ལས་ནི་ཡེ་ཤེས་ཉམས་སུ་ལེན།། ཕྲིན་ལས་རང་ཉིད་ཡིན་པར
250b3 གསུངས།། རྡོ་རྗེ་སེམས་དཔའ་ཆོས་སྐུ་ཉིད།། ངང་ལས་བྱུང་ཞིང་ངང་ལ་རྫོགས།། རྫོགས་པས་གཞི་ལ་དེ་བཞིན་ནོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས
250b4 སྐུ།། ཕྲིན་ལས་རྣམ་པ་བཞི་པོ་དེ།། ལམ་དུ་འཁྱེར་ན་ཅི་ལྟར་འཁྱེར།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར
250b5 ཡིད་ལ་ཟུང་།། ཕྲིན་ལས་རྣམ་པ་བཞི་ཡི་དོན།། ལམ་ལ་རྫོགས་ལུགས་འདི་ལྟ་སྟེ།། བར་དོ་དང་པོ་ཚོམ་བུ་ལ།། སྐུ་ཡི་སྣང་བ་མཐོང་བ་སྟེ།། ཞི་བའི་ལམ་དུ་ཡང་དག་འདོད།། བར་དོ་གཉིས་པའི་ཡེ་ཤེས་ལ།། ཡེ
250b6 ཤེས་ངོ་བོ་མཐོང་བ་སྟེ།། རྒྱས་པའི་ལམ་ཉིད་ཡིན་པར་འདོད།། བར་དོ་གསུམ་པ་ལྷུན་གྲུབ་སྣང་བ་ལ།། རང་གི་དེ་ཉིད་མཐོང་བ་ནི།། གོམས་པ་ཚད་དུ་ཕྱིན་པ་ཡིན།། དབང་གི་ཆོས་ཉིད་ཡིན་པར་གསུངས།། ཀ།
iiif viewer powered by OpenSeadragon
