| e-texts navigator |
| Wylie |
250a1 ཆོས་ཉིད་ལ།། ཉོན་མོངས་གོས་པ་མེད་པའོ།། སེར་པོ་རྒྱས་པའི་ཆོས་ཉིད་ལ།། ཡོན་ཏན་ཐམས་ཅད་འབྱུང་བ་ནི།། དཔེར་ན་ནོར་བུ་རིན་པོ་ཆེ།། དགོས་འདོད་ཐམས་ཅད་འབྱུང་བ་ལྟར།། ཆོས་ཉིད
250a2 རྒྱས་པ་ཆེན་པོ་དེར།། ཡོན་ཏན་སྣ་ཚོགས་ཤར་བ་ཡིས།། སེམས་ཅན་ཐམས་ཅད་གྲོལ་བར་བྱེད།། ཡོན་ཏན་རྒྱས་པ་ཆེན་པོར་འདོད།། དམར་པོ་དབང་གི་ཆོས་ཉིད་དེ།། མ་བཙལ་གཞི་ལ་གྲུབ་པ་ཡིན།། དབང་ཉིད
250a3 ཆོས་སྐུའི་ངོ་བོ་སྟེ།། ཐམས་ཅད་མ་བཙལ་གྲུབ་པ་སྟེ།། དཔེར་ན་རིན་ཆེན་གསེར་ལ་ནི།། སེར་པོ་བཙལ་མི་དགོས་པ་བཞིན།། གཞི་སྣང་ཆེན་པོའི་དཀྱིལ་འཁོར་ལ།། དབང་གི་དཀྱིལ་འཁོར་བཙལ་མི
250a4 དགོས།། ཆོས་ཉིད་གཞི་ལ་དབང་ཉིད་རྫོགས་པའོ།། ལྗང་གུ་ཆོས་ཉིད་དྲག་པོ་སྟེ།། ཐམས་ཅད་དྲག་པོའི་ངོ་བོར་རྫོགས།། གཞི་ཉིད་དག་པའི་ཆོས་ཉིད་དེ།། གང་ལ་ཐོགས་མེད་འཆར་བ་ནི།། དཔེར་ན་རླུང་གིས
250a5 སྦུསྦྱར་མ་ནི།། གང་ལ་ཐོགས་མེད་བསྐྱོད་པར་བྱེད།། དེ་བཞིན་གཞི་སྣང་ངོ་བོ་ལས།། ཡེ་ཤེས་ཐོགས་པ་མེད་པར་འཆར།། གང་ལ་ཐོགས་མེད་ཡེ་ཤེས་ནི།། ཕྲིན་ལས་དྲག་པོའི་ངོ་བོ་ཡིན།། དེ་བཞིན་གཞི་ཡི་ངོ་བོ
250a6 ལ།། ཕྲིན་ལས་བསྐྱེད་རིམ་རྫོགས་པའོ།། དེ་ཡང་ཕྲིན་ལས་བཞི་ཡི་དོན།། མཐིང་ག་ཉིད་ལ་རྫོགས་པའི་དོན།། ཕྲིན་ལས་རྣམ་བཞི་གཞི་ལ་བབ་ཀྱིས་གྲུབ།། དེ་ཕྱིར་ཁ་དོག་མཐིང་གར་བཤད།། ཕྲིན་ལས་ཀུན་གྱི
iiif viewer powered by OpenSeadragon
