| e-texts navigator |
| Wylie |
249b1 འཛིན་ཅིང་རྟོག་པ་ནི།། ཕྲིན་ལས་དྲག་པོ་ཉིད་དུ་བཤད།། སྒོ་ལྔའི་རྣམ་ཤེས་ཡུལ་ལ་ཤར་བ་ནི།། དྲག་པོའི་དཀྱིལ་འཁོར་གཅིག་ཏུ་འདོད།། ཉོན་མོངས་སྟོང་ཕྲག་བརྒྱད་ཅུ་ཉིད།། ཡུལ་ལ་ཤར་ཅིང་སྤྱོད་པ་ནི།། ཕྲིན
249b2 ལས་དྲག་པོ་ཉིད་དུ་བསྟན།། དེ་བཞིན་ཕྲིན་ལས་རྣམ་པ་བཞི།། རང་རང་ལུས་ལ་རྫོགས་པར་གསུངས། དེ་ནས་ཡང་གསང་བའི་བདག་པོ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་གི་ཚང
249b3 ལུགས་དེ་ལྟར་ན།། ཕྲིན་ལས་རྣམ་བཞིའི་དོན་རྣམས་ནི།། གཞི་ལ་ཅི་ལྟར་ཚང་བ་ལགས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ།། ཀྱེ་མ་གསང
249b4 བའི་བདག་པོ་ཉོན།། ཕྲིན་ལས་རྣམ་པ་བཞི་ཡི་དོན།། བཞི་ལ་ལེགས་པར་ཚང་བའོ།། དེ་ཡང་བསྟན་པ་འདི་ལྟ་སྟེ།། ཁ་དོག་དཀར་དམར་སྣ་ཚོགས་འོད།། གཞི་ལ་བབ་ཀྱིས་གྲུབ་པའོ།། ཁ་དོག་དཀར་པོ་ཞི་བའི
249b5 དཀྱིལ་འཁོར་ལྡན།། ཁ་དོག་སེར་པོ་རྒྱས་པའི་དཀྱིལ་འཁོར་ལྡན།། ཁ་དོག་དམར་པོ་དབང་གི་འོད་དུ་འབར།། ཁ་དོག་ལྗང་གུ་དྲག་པོའི་འོད་དུ་གསུངས།། ཁ་དོག་མཐིང་ག་ཕྲིན་ལས་རྫོགས་པའི་འོད།། དེ་ཡང
249b6 བཤད་ལུགས་འདི་ལྟ་སྟེ།། དཀར་པོ་ཆོས་ཉིད་ཞི་བ་ལ།། ཉོན་མོངས་དྲི་མ་ག་ལ་ཡོད།། གོས་པ་མེད་པའི་དཀྱིལ་འཁོར་ནི།། དཔེར་ན་ཤེལ་གོང་དག་པ་ལ།། དྲི་མའི་སྐྱོན་གྱིས་མ་གོས་བཞིན།། དེ་བཞིན་ཞི་བའི
iiif viewer powered by OpenSeadragon
