| e-texts navigator |
| Wylie |
249a1 འདུས་ལུགས་གསུང་དུ་གསོལ།། ཞེས་ཞུས་སོ།། དེ་ནས་སྟོན་པས་བཀའ་སྩལ་པ།། ཀྱེ་མ་གསང་བདག་རྡོ་རྗེ་འཛིན།། ང་ཡིས་བསྟན་གྱིས་ང་ལ་ཉོན།། ཕྲིན་ལས་དབང་གི་དཀྱིལ་འཁོར་ནི།། རང་གི
249a2 དུང་ཁང་དཀྱིལ་འཁོར་ན།། སྒྲོན་མ་རྣམ་པ་གཉིས་སུ་གསལ།། དེ་ཡང་བསྟན་པ་འདི་ལྟ་སྟེ།། རིག་པ་དབྱིངས་ཀྱི་སྒྲོན་མ་ཡིས།། སྐུ་དང་ཡེ་ཤེས་དབང་དུ་སྡུད།། ཐིག་ལེ་སྟོང་པའི་སྒྲོན་མ་ཡིས།། ཕྱི་ཡི་འབྱུང་བ
249a3 དབང་དུ་སྡུད།། ཤེས་རབ་རང་བྱུང་སྒྲོན་མ་ཡིས།། རང་གི་དེ་ཉིད་དབང་དུ་སྡུད།། རྒྱང་ཞགས་ཆུ་ཡི་སྒྲོན་མ་ཡིས།། འཁྲུལ་པའི་དེ་ཉིད་དབང་དུ་སྡུད།། རིག་པ་རྟོག་མེད་ཆེན་པོ་ཡིས།། རྣམ་རྟོག་ཉོན་མོངས་དབང
249a4 དུ་སྡུད།། འགྱུར་མེད་སངས་རྒྱས་ལམ་ཆེན་ནི།། བར་དོའི་སྣང་བ་དབང་དུ་སྡུད།། དེ་ལྟར་དབང་གི་དཀྱིལ་འཁོར་ཉིད།། རང་གི་ལུས་ལ་རྫོགས་པའོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས
249a5 སོ།། ཀྱེ་ཀྱེ་སྟོན་པ་ཆེན་པོ་ལགས།། སེམས་ཅན་ཀུན་གྱི་རང་ལུས་ལ།། ཕྲིན་ལས་མངོན་སྤྱོད་ཅི་ལྟར་གནས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི
249a6 བདག་པོ་ཉོན།། ངས་བསྟན་ཡིད་ལ་ལེགས་པར་ཟུང་།། སངས་རྒྱས་ཕྲིན་ལས་དྲག་པོ་ནི།། རང་གི་དབང་པོའི་སྒོ་དག་ལ།། ཕྲིན་ལས་དྲག་པོའི་དཀྱིལ་འཁོར་གནས།། མིག་གི་དབང་པོ་མ་འགགས་པས།། ཡུལ་ལ
iiif viewer powered by OpenSeadragon
