| e-texts navigator |
| Wylie |
248a1 པ་བསམ་ལས་འདས།། སྙིང་པོ་དོན་གྱི་མན་ངག་སྟེ།། མ་མཐོང་གྲོལ་བར་ག་ལ་འགྱུར།། སངས་རྒྱས་རྣམས་ཀྱི་དགོངས་པ་ཡང་།། འདི་ཉིད་མཐོང་ནས་གྲོལ་བར་འགྱུར།། རིག་པ་ཡེ་ཤེས་ཆེན་པོ
248a2 ནི།། རང་ལ་བྱུང་ཞིང་རང་ལ་ལྟོས། ཞེས་རིག་པ་རང་ཤར་ཆེན་པོའི་རྒྱུད་ལས། ཡོངས་སུ་རྣལ་འབྱོར་གྱི་ལེའུ་སྟེ་ང་གཉིས་པའོ།། བྷཿཧྲཿདེ་ནས་ཡང་བཅོམ་ལྡན་འདས་ཕྲིན་ལས་རྣམ་པར་འབྱེད་པའི་ཏིང
248a3 ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་ཕྱག་ན་རྡོ་རྗེ་ལ་སོགས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་ཏིང་ངེ་འཛིན་ལས་བཞེངས་ཤིག། མོས་པའི་འཁོར་རྣམས་ལ
248a4 ཕྲིན་ལས་ཀྱི་རྣམ་པ་ཅི་ལྟར་ལགས་གསུང་དུ་གསོལ།། ཞེས་ཞུས་པས། བཅོམ་ལྡན་འདས་ཏིང་ངེ་འཛིན་ལས་བཞེངས་ནས། འཁོར་རྣམས་ལ་འདི་སྐད་ཅེས་བཀའ་སྩལ་ཏོ། ཀྱེ་མོས་པའི་འཁོར་རྣམས་ཉོན
248a5 ཅིག། ངས་ཁྱེད་རྣམས་ལ་ཟབས་བསྟན་གྱིས།། ལེགས་པར་ཉོན་ཅིག། ཕྲིན་ལས་རྣམ་པ་བཞི་ཡོད་དོ།། དེ་ཡང་ཚིགས་སུ་བཅད་དེ་བཀའ་སྩལ་པ།། ཀྱེ་ཧོ་རྡོ་རྗེ་འཛིན་པ་ཉོན།། ཞི་བ་དང་ནི་རྒྱས་པ་དང་།། དེ
248a6 བཞིན་དབང་དང་དྲག་པོར་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། ཕྲིན་ལས་རྣམ་པ་བཞི་པོ་དེ།། རང་ལ་ཅི་ལྟར་ཚང་བ་ལགས།། ཞུས་ལན་རྒྱས་པར
iiif viewer powered by OpenSeadragon
