| e-texts navigator |
| Wylie |
247a1 ནི།། རང་ཉིད་རྟགས་ལ་ལྟོས་གྱུར་ནས།། སྤྱོད་པས་གཞན་ལ་ངོམ་སེམས་བྱེད།། རང་གི་རྟོགས་པ་ཉིད་ཀྱིས་བཅིངས།། དེ་ཡང་གྲོལ་བར་ངས་མ་བཤད།། རྗེས་སུ་འཇུག་པའི་རྣལ་འབྱོར་ནི།། གང
247a2 དག་མོས་པའི་ས་ལ་གནས།། མོས་པའི་སྤྱོད་པ་བྱེད་པ་སྟེ།། དང་པོ་ས་ལ་རེག་པས་ཞོག། དེ་ཉིད་གྲོལ་བར་ངས་མ་བཤད།། ངང་ཉིད་ངེས་པའི་རྣལ་འབྱོར་ནི།། རྣམ་པར་མི་རྟོག་ཚིག་ཚུགས་བསྒོམ།། མི་རྟོག་པ་ཡི
247a3 བདག་ཉིད་ཅན།། དེ་ཉིད་གྲོལ་བར་ངས་མ་བཤད།། སྣང་བ་སེམས་ཀྱི་རྣལ་འབྱོར་ནི།། ཐམས་ཅད་ང་ཡི་སེམས་ལས་བྱུང་།། སེམས་ཉིད་རྟོགས་ན་ཅི་བྱར་ཡོད།། དེ་སྐད་ཀུན་ཏུ་རྗོད་བྱེད་པ།། ང་ཡིས་གྲོལ་བར་མ
247a4 བཤད་དོ།། འཇུག་པ་ལས་ཀྱི་རྣལ་འབྱོར་ནི།། དོན་ཉིད་བྱ་བས་འགྲུབ་པར་འདོད།། བྱ་བ་ཆེན་པོས་བཅིངས་པ་རྣམས།། དང་པོ་སེམས་བསྐྱེད་བྱ་བ་བྱེད།། དེ་ནས་བཟུང་ནས་བྱ་བ་རྣམས།། ཐམས་ཅད་བྱེད་ཅིང
247a5 འགྲུབ་པའོ།། དེ་ཡང་གྲོལ་བར་ངས་མ་བཤད།། བྱ་བ་རྒྱུ་ཡི་རྣལ་འབྱོར་ནི།། རྒྱུ་ཉིད་ལམ་དུ་སློང་བ་སྟེ།། རྒྱུ་ལ་རེ་ཞིང་རྒྱུ་ལ་ལྟོས།། རྒྱུ་ཉིད་མངོན་པར་སྟོན་པ་སྟེ།། དེ་ཡང་གྲོལ་བར་ངས་མ་བཤད།། བྱེད་པ་རྐྱེན
247a6 གྱི་རྣལ་འབྱོར་ནི།། སྤྱོད་པས་ཡང་དག་དོན་འཚོལ་བ།། རིགས་མི་མཐུན་པའི་ཕྱོགས་འཛིན་པ།། དེ་ཡང་གྲོལ་བར་ངས་མ་བཤད།། མཐར་ཕྱིར་འབྲས་བུའི་རྣལ་འབྱོར་ནི།། རྟོག་པ་ལམ་དུ་འཁྱེར་བ་སྟེ།། ས་དང
iiif viewer powered by OpenSeadragon
