| e-texts navigator |
| Wylie |
246b1 སེམས་ཀྱི་རྣལ་འབྱོར་དང་།། འཇུག་པ་ལས་ཀྱི་རྣལ་འབྱོར་དང་།། བྱ་བ་རྒྱུ་ཡི་རྣལ་འབྱོར་དང་།། བྱེད་པ་རྐྱེན་གྱི་རྣལ་འབྱོར་དང་།། མཐར་ཕྱིན་འབྲས་བུའི་རྣལ་འབྱོར་དང་།། ཡང་དག་དོན་གྱི་རྣལ་འབྱོར
246b2 དང་།། མཐར་ཕྱིན་གྲོལ་བའི་རྣལ་འབྱོར་དང་།། བྱ་བ་རྫོགས་པའི་རྣལ་འབྱོར་རོ།། རྣལ་འབྱོར་ཆེན་པོའི་དོན་ཉིད་ནི།། ཆེ་བ་དང་ནི་ཆུང་བ་རྣམས།། རང་ཉིད་ཡིན་པར་ཤེས་པར་བྱ།། ས་དང་ལམ་ལ་གྲོལ་བའི་རྣལ
246b3 འབྱོར་བཞི།། དེ་ནི་ཚིགས་སུ་བཅད་པས་གསུངས།། དེ་ཡང་རྣལ་འབྱོར་རྣམ་པ་ལྔ།། བསམ་གྱིས་མི་ཁྱབ་རྣལ་འབྱོར་ཀྱང་།། རྣམ་པ་ལྔ་ཡི་ཁོག་ཏུ་འདུས།། དེ་ཡང་བསྟན་པ་འདི་ལྟ་སྟེ།། རྩལ་ཆེན་རྫོགས་དང་ལུང
246b4 ཆེན་ཐོབ།། དབུགས་ཆེན་འབྱིན་དང་ལུས་སེམས་ཕྱེད།། བཀའ་སྡོད་ལས་ཀྱི་རྣལ་འབྱོར་རོ།། རྣལ་འབྱོར་ཆེན་པོ་དེ་རྣམས་ཀྱིས།། ངང་དུ་ཐམས་ཅད་འདུས་པར་གསུངས།། དེ་ནས་ཡང་གསང་བའི་བདག་པོས་འདི
246b5 སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་སེམས།། རྣལ་འབྱོར་ཆེན་པོ་དེ་རྣམས་ཀྱི།། བཤད་ལུགས་འཁོར་ལ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ
246b6 ཉོན།། ང་ཡི་བསྟན་གྱིས་ཡིད་ཀྱིས་ཟུང་།། མཚན་མ་ཚིག་གིས་རྣམ་འབྱོར་ནི།། ཚིག་ལ་ཞེན་ཅིང་ཚིག་ལ་སྤྱོད།། མི་ཤེས་ཚིག་ལ་ལྟོས་གྱུར་ན།། དེ་ཉིད་གྲོལ་པར་ངས་མ་བཤད།། རྟགས་ལ་ལྟོས་པའི་རྣལ་འབྱོར
iiif viewer powered by OpenSeadragon
