| e-texts navigator |
| Wylie |
246a1 འབྲས་བུ་གང་འདོད་པས།། དེ་ཉིད་ལ་ཡང་གོམས་པར་བྱ།། ཆོས་ཉིད་འོད་གསལ་མདངས་དང་ལྡན།། སངས་རྒྱས་བསྔགས་པ་དེ་ཉིད་ཐོབ།། ང་ཡི་རིག་པ་ཆོས་ཉིད་ལ།། སེམས་དང་དྲི་མའི་ཆོས
246a2 དང་བྲལ།། ཕྲ་དང་རགས་པའི་དྲི་མ་རྣམས།། ཐམས་ཅད་ངོ་བོ་སྒྲིབ་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། སྔགས་ཀྱི་གཏན་ཚིགས་བསྟན་པའི་ལེའུ་སྟེ་ང་གཅིག་པའོ།། བྷ་ཋ་ཋན་\ུ0f89\ུ0f4།། དེ་ནས
246a3 ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ།། བདག་ཅག་མོས་པའི་འཁོར་རྣམས་ལ།། ཐབས་ཀྱི་ཡན་ལག། ཀྱང་བྱུང་། མན་ངག་བསྟན་དུ་གསོལ།། ཞེས་ཞུས
246a4 སོ།། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན་ཅིག། ངས་ལེགས་པར་ཕྱེ་ལ་གང་ཟག་གི་རིགས་བསྟན་གྱིས་ཉོན་ཅིག་ཅེས་བཀའ་སྩལ་པ་དང་། གསང་བའི་བདག་པོས
246a5 འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ། ཚོགས་དང་ཐབས་ཀྱི་ལམ་ལ་གནས་པ་ཡི།། རྣལ་འབྱོར་ཆོས་རྣམས་གསུང་དུ་གསོལ།། ཞེས་ཞུས་པས། སྟོན་པས་བཀའ་སྩལ་པ། ཀྱེ་ཉེ་བའི་འཁོར་རྣམས་ཉོན
246a6 ཅིག། མཚན་མ་ཚིག་གི་རྣལ་འབྱོར་དང་།། རྟགས་ཙམ་འཛིན་པའི་རྣལ་འབྱོར་དང་།། མཐར་ཕྱིན་འབྲས་བུའི་རྣལ་འབྱོར་དང་།། རྗེས་སུ་རྣལ་འབྱོར་ཉིད་དང་ནི།། ངང་ཉིད་ངེས་པའི་རྣལ་འབྱོར་དང་།། སྣང་བ
iiif viewer powered by OpenSeadragon
