| e-texts navigator |
| Wylie |
245a1 མེད།། སེམས་ཅན་ཤ་ཁྲག་སྲོག་ལུས་ལ།། བསད་དང་མ་བསད་གཉིས་སུ་མེད།། ཡང་དག་ཉིད་ཀྱི་སངས་རྒྱས་ལ།། བསྒྲུབ་དང་མ་བསྒྲུབས་གཉིས་སུ་མེད།། འཁོར་བའི་སྡུག་བསྔལ་ཆེན་པོ
245a2 ལ།། སྤང་དང་མ་སྤངས་གཉིས་སུ་མེད།། ཡང་དག་རིག་པའི་རྒྱལ་པོ་ལ།། བསྒོམ་དང་མ་བསྒོམས་གཉིས་སུ་མེད།། བདེ་ཆེན་གསལ་བའི་ལམ་ལྔ་ལ།། སྦྱང་དང་མ་སྦྱངས་གཉིས་སུ་མེད།། རྟོག་པ་མེད་པའི
245a3 ཆོས་ཉིད་ལ།། སྤྱད་དང་མ་སྤྱད་གཉིས་སུ་མེད།། གཉིས་མེད་ལྟ་བ་ཆེན་པོ་འདི།། ཁྱུང་ཆེན་ནམ་མཁར་ལྡིངས་དང་མཚུངས།། ཡང་དག་སྤྱི་རྒྱ་རླབས་ཀྱིས་གཅོད།། ཟག་མེད་ལམ་གྱི་རྒྱལ་པོར་གསུངས།། སངས
245a4 རྒྱས་ཀུན་གྱི་ཡང་དག་ལམ།། རྣམ་གསུམ་པར་དོའི་དཀྱིལ་འཁོར་ཏེ།། བརྗོད་དང་མ་བརྗོད་གཉིས་དང་བྲལ།། རིག་པ་ཉིད་ཀྱི་སྣང་བ་ནི།། རྟག་ཆད་གཉིས་ཀྱི་མཐའ་ལས་འདས།། བརྗོད་མེད་རྣམ་པར་དག་པའི
245a5 ཆོས།། ཡིན་དང་མིན་པའི་མཐའ་ལས་འདས།། དགག་བསྒྲུབ་མེད་པའི་སྤྱོད་པ་ནི།། འཛིན་དང་ཆགས་པའི་མཐའ་ལས་འདས།། གསལ་བ་སྙམ་བྱེད་བསྒོམ་པ་ནི།། བྱིང་དང་རྒོད་པའི་མཐའ་ལས་འདས།། ཕྱོགས
245a6 དང་རིས་མེད་ལྟ་བ་ཡང་།། བཟང་དང་ངན་པའི་མཐའ་ལས་འདས།། ཡང་དག་ཆོས་ཉིད་ཆེན་པོ་ཡང་།། སྣང་དང་མི་སྣང་མཐའ་ལས་འདས།། རང་གི་ཡེ་ཤེས་རྣམ་དག་ཉིད།། གོལ་དང་སྒྲིབ་པའི་ཆོས་ལས
iiif viewer powered by OpenSeadragon
