| e-texts navigator |
| Wylie |
244b1 མེད་ཆོས་ཉིད་ཡིན་པར་གསུངས།། དབྱིངས་ལ་སྐུ་ཡིས་བརྒྱན་པའི་ཕྱིར།། ཐིག་ལེ་རྐྱང་པ་རྟོགས་ན་དེ་ཉིད་མཐོང་བ་མིན།། ཐིག་ལེ་སྐུ་ཡིས་བརྒྱན་པའི་ཕྱིར།། སྐུ་ནི་གཅིག་པུར་རྟོགས་ན་དེ་ཉིད་མཐོང་བ་མིན།། སྐུ
244b2 ལ་ཐིག་ལེས་ཁྱབ་པའི་ཕྱིར།། གཉིས་མེད་རྟོགས་ན་དེ་ཉིད་མཐོང་བ་ཡིན།། གཉིས་མེད་གསལ་བས་བརྒྱན་པའི་ཕྱིར།། གཏན་ཚིགས་གང་དག་ཅི་ཕྱིར་བཤད།། གང་དག་འཛིན་པ་ཡོད་གྱུར་ན།། ཡེ་ཤེས་མཐོང་བ
244b3 མེད་པར་འགྱུར།། ཡེ་ཤེས་འཛིན་པ་མེད་པའི་ཕྱིར།། གང་དག་ཆགས་པའི་སེམས་ཡོད་ན།། ཡང་དག་ཡེ་ཤེས་མཐོང་མི་འགྱུར།། འོད་གསལ་ཆགས་པ་མེད་པའི་ཕྱིར།། གང་དག་ཞེན་པའི་སེམས་ཡོད་ན།། རྟོག
244b4 མེད་ཆོས་སྐུ་མཐོང་མི་འགྱུར།། སྐུ་ལ་ཞེན་པ་མེད་པའི་ཕྱིར། གང་དག་རྟོག་པའི་སེམས་ཡོད་ན།། རང་གི་དེ་ཉིད་མཐོང་མི་འགྱུར།། སྒྲོན་མ་རྟོག་པ་མེད་པའི་ཕྱིར།། གང་དག་ས་ལམ་རྩོལ་འདོད་ན།། བར་དོའི་སྣང
244b5 བ་རྟོགས་མི་འགྱུར།། ས་ལམ་སྦྱང་དུ་མེད་པའི་ཕྱིར།། དགོས་པའི་མིང་གིས་མཚམས་སྦྱོར་བས།། དེ་ཉིད་མེད་པ་ཉིད་དུ་འགྱུར།། གང་དག་མཚན་མའི་སེམས་མེད་ན།། སྟོང་པ་ཚིག་མེད་དག་ཏུ་འགྱུར།། གང་དག
244b6 སེམས་ལས་དོན་ཚོལ་ན།། རིག་པའི་རྒྱལ་པོ་སྤང་བར་འགྱུར།། རྒྱལ་བ་རྣམས་ཀྱི་ཕྱག་རྒྱ་ནི།། བསྒྱུར་དང་མི་བསྒྱུར་གཉིས་ལས་འདས།། གསང་སྔགས་དོན་གྱི་ལྷ་ལ་སོགས།། བསྐྱེད་དང་མ་བསྐྱེད་གཉིས་སུ
iiif viewer powered by OpenSeadragon
