| e-texts navigator |
| Wylie |
244a1 ལ།། སངས་རྒྱས་སེམས་ཅན་གཉིས་སུ་མེད།། སྐྱེ་བ་མེད་ཅིང་འཆི་བ་མེད།། གནས་པ་མེད་ཅིང་རང་སར་གྲོལ།། འཛིན་པ་མེད་པས་བདེན་པ་མཐོང་།། འགྱུར་མེད་ལམ་གྱི་ངོ་བོ་ནི།། འཛིན་པ་མེད
244a2 པས་རང་དག་གོ། སྣ་ཚོགས་ལམ་གྱི་ངོ་བོ་ལ།། ཆགས་དང་འཛིན་པ་མ་ཞུགས་ན།། ལམ་གྱི་དེ་ཉིད་མཐོང་བ་ཡིན།། གཞི་ལམ་བདག་ཉིད་བློ་དང་མཉམ།། རང་བྱུང་ཐབས་ཀྱི་རྒྱལ་པོ་ལ།། སྟོབས་ཀྱིས་རིག་པ་རང
244a3 བྱུང་ཤར།། གཞི་ལམ་འབྲས་བུ་མཐར་ཕྱིན་ཡིན།། རང་བྱུང་རྟོག་མེད་ངོ་བོ་ལ།། ཤེས་རབ་དོན་གྱི་སྐུ་ཉིད་ཤར།། གཞི་ལམ་འབྲས་བུ་མཐར་ཕྱིན་ཡིན།། གསལ་དག་ཆེན་པོའི་བལྟ་བར་གསུངས།། ཞེས་རིག་པ
244a4 རང་ཤར་ཆེན་པོའི་རྒྱུད་ལས། གཞི་ལམ་འབྲས་བུ་རྒྱས་པར་བསྟན་པའི་ལེའུ་སྟེ་ལྔ་བཅུ་པའོ།། གྲུ་ཧྲཱི།། བྷྲཱུཾ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ
244a5 འཆང་།། གསང་སྔགས་གཏན་ཚིགས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་གསང་བའི་བདག་པོ་ལེགས་པར་ཉོན་ཅིག། ངས་བསྟན་མ་ཡེངས་ཡིད་ཀྱིས་ཉོན།། སྔགས་ཀྱི་གཏན་ཚིགས་ངས
244a6 བསྟན་གྱིས།། དང་བའི་སེམས་ཀྱིས་གུས་པར་ཉོན།། རྟོག་མེད་སེམས་ཀྱིས་མ་ཡེངས་ཉོན།། སྔགས་ཀྱི་གཏན་ཚིགས་ཆེན་པོ་ནི།། གང་གི་ཕྱིར་ན་ཆོས་ཉིད་འདོད་པར་གསུངས།། དེ་ཡང་བསྟན་པ་འདི་ལྟ་སྟེ།། རྟོག
iiif viewer powered by OpenSeadragon
