| e-texts navigator |
| Wylie |
243b1 ཡིན།། ཡང་དག་སངས་རྒྱས་གཞི་ལ་བཟང་ངན་མེད་པར་གཉིས་མེད་མཉམ་པ་ཡིན།། རང་རྒྱལ་རྣམས་དང་ཐེག་པ་དམན་པའི་རིགས་རྣམས་ལ།། སངས་རྒྱས་གསང་བའི་དོན་མི་བཤད། གཞན་ཡང་གསང་སྔགས
243b2 དོན་ཆེན་ནི།། བློ་དམན་ཤེས་པ་ཆུང་བ་དང་།། ཁ་གསགས་གཡོ་སྒྱུའི་སེམས་དག་དང་།། ལམ་དང་ས་ལ་ཞེན་པ་ཡི།། རིགས་དང་རྒྱུད་མེད་དག་ལ་ནི།། གསང་སྔགས་གསང་བ་བསྒྲག་མི་བྱ།། ཆོས་ཉིད་རྟོགས་པའི
243b3 རྣལ་འབྱོར་པས།། ཅིར་སྣང་འོད་ཀྱི་སྣང་བར་མཐོང་།། རྡོ་རྗེ་ལྟ་བུའི་སངས་རྒྱས་ནི།། གཅིག་དང་དུ་མའི་གཟུགས་སུ་མེད།། དཔེར་ན་རྩལ་ཀྱི་རྒྱལ་པོ་བཞིན།། ཐམས་ཅད་ཟིལ་གྱིས་གནོན་པས་སྐྲག་པར་བྱེད།། དེ
243b4 བཞིན་ཀ་དག་རྫོགས་ཆེན་ནི།། སངས་རྒྱས་མན་ཆོད་ཐེག་དམན་ཟིལ་གྱིས་གནོན།། སངས་རྒྱས་མཛད་པས་ཐམས་ཅད་སྐྲག་པར་བྱེད།། ཡང་དག་སངས་རྒྱས་བདེ་ཆེན་ཐུགས་ལས་བྱུང་།། གཞི་དང་ལམ་ལ་མི
243b5 ལྟོས་སངས་རྒྱས་མཉམ་མེད་ཡིན།། ཡང་དག་སྤྲུལ་པས་ཡང་དག་ཉིད་དུ་སྒྲོལ།། གཞི་ལ་ངོ་བོ་རང་བཞིན་ཐུགས་རྗེ་རྫོགས།། ལམ་ལ་སྐུ་ལྔ་ཡེ་ཤེས་ལམ་ལྔ་རྫོགས།། འབྲས་བུ་སྐུ་གསུམ་ཡེ་ཤེས་འོད་སྣང
243b6 རྫོགས།། དེ་ཕྱིར་གཞི་ལམ་འབྲས་བུ་གསུམ།། འདུ་འབྲལ་མེད་པའི་ཚུལ་དུའོ།། འབྲས་བུ་མ་གཡོས་ཆོས་ཀྱི་སྐུ།། ལམ་ནི་རྣམ་དག་སྐུ་ལྔ་ཡིན།། གཞི་ཉིད་མི་འགྱུར་རང་བཞིན་ཆེ།། རྟོག་མེད་གཞི་ཡི་ངོ་བོ
iiif viewer powered by OpenSeadragon
