| e-texts navigator |
| Wylie |
243a1 རྒྱས་མཛད་པའི་ཡེ་ཤེས་མེད་པར་གཟའ་གཏད་ལམ་དང་བྲལ་ཡང་བྱུང་། གསང་སྔགས་དགོངས་པ་ཡིན་པར་གསུངས།། གསང་སྔགས་ཀུན་གྱི་ལམ་ནི་སྒྲོན་མ་རྣམ་དག་ངོ་བོར་འདུས་པར
243a2 གསུངས།། ཨེ་མ་ཧོ།། གསུང་དང་མ་གསུངས་ཐམས་ཅད་རང་གི་དེ་ཉིད་རྟོགས་དང་མ་རྟོགས་ཁྱད།། རིག་པའི་ངང་ལས་འདས་པ་མེད་ཅིང་མ་འོངས་མེད་པར་ཀུན་བྱེད་རྒྱལ་པོས་གསུངས།། རྒྱལ་བ་རྣམས་ཀྱི
243a3 དགོངས་པ་ཡང་དག་རྡོ་རྗེ་མོ་ཡིས་ཀློང་དུ་ཐམས་ཅད་འདུས།། རང་གྲོལ་སྐྱེ་དང་བྲལ་བའི་རིག་པ་རྡོ་རྗེའི་སྐུ་ལ་སྐྱེ་འཇིག་མེད་པར་ཡང་དག་རྒྱལ་པོས་གསུངས།། ཚིག་མེད་ཡི་གེ་མེད་པའི་དོན་ལ་སྐྱེ་དང་འཆི་བ
243a4 མེད་ན་འགགས་མེད་ཀློང་དུ་མྱང་ངན་འདས།། སངས་རྒྱས་ཡེ་ཤེས་ལུས་ཉིད་རྡོ་རྗེ་སྤོ་ལ་སངས་རྒྱས་བརྙེས།། རྡོ་རྗེ་སེམས་དཔའི་ངང་ཉིད་རྡོ་རྗེའི་རྒྱ་དང་ལྡན་པར་ཤེས།། རང་སྣང་ཆོས་ཉིད་ཀུན་གྱི་གོང་མ་ཡིན།
243a5 པར་སངས་རྒྱས་རྣམས་ཀྱིས་གསུངས།། ཡང་དག་ཉིད་ལ་དག་དང་མ་དག་མེད་པར་མཁྱེན་ཅིང་རིག། སངས་རྒྱས་ཀུན་གྱིས་བསྔགས་པའི་སྙིང་པོ་ཡེ་ཤེས་སྐུ་ཉིད་གནས་དང་བྲལ་བའི་ཚེ།། རང་གི་དེ་ཉིད་མཐོང
243a6 ནས་དེ་ཉིད་ལ་ཡང་དྲན་པ་སྐྱེས་ནས་བདེ་ཆེན་ས་ལ་ཐིམ།། ཡེངས་དང་མ་ཡེངས་མེད་པར་དོན་ཉིད་རང་ལ་ཤར་ཞིང་རང་ལ་སྣང་བ་ཡིན།། ཟག་པ་མེད་ལ་ཆོས་རྣམས་ཀུན་གྱི་བདེན་པ་མཐོང་བའི་དུས་སུ་བསྟན་པ
iiif viewer powered by OpenSeadragon
